İspaniyanın “Real” klubu 2019-cu ildə 100 qol vurub.

Apasport.az saytının məlumatına görə, Kriştianu Ronaldonun gedişindən sonrakı ilk bütöv il belə aşağı məhsuldarlıqla əlamətdar olub.

Hərçənd portuqaliyalı ulduzun komandada çıxış etdiyi 10 təqvim ili ərzində ən aşağı göstərici 130-a bərabər idi. Bu da 2010-cu ildə qeydə alınmışdı.

Sonrakı illərdə bu rəqəm daha yüksək olub: 2011 – 167, 2012 – 156, 2013 – 156, 2014 – 178, 2015 – 140, 2016 – 152, 2017 – 156, 2018 – 142.

Qeyd edək ki, K.Ronaldo 2009-cu ilin yayında transfer olunduğu “Real”dan 2018-ci ilin yayında ayrılıb.