21 yaşadək futbolçulardan ibarət Azərbaycan millisinin tarixində 7-ci dəfə futbolçumuz seçmə oyununda dubla imza atıb.

Apasport.az saytının məlumatına görə, dubl edənlər siyahısına Musa Qurbanlı da düşüb.

Əsas yığmanın ən yaxşı bombardiri Qurban Qurbanovun oğlu Estoniya ilə AVRO-2023-ün görüşündə (3:0) iki qol vurub. Musaya qədər U-21-in 6 üzvü dubl etməyi bacarmışdı.

İlk dəfə buna 2000-ci ildə Şimali Makedoniyada 2:1 hesablı qələbədə pay sahibi olan Samir Əliyev nail olub. Sonrakı iki dubl da səfərdə qeydə alınıb.

2007-ci ildə Asif Məmmədov Xorvatiyada (2:3), 6 il sonra Tuğrul Erat Norveçdə (3:1) meydan sahiblərinə qənim kəsilib.

Evdəki ilk dubl 2014-cü ildə qeydə alınıb. Nizami Hacıyev İsrail üzərində, bir il sonra Kərəm Benke Rusiya üzərində 3:0 hesablı qələbəyə 2 qolla töhfə verib. Üç il öncə Slovakiya üzərindəki 2:1 hesablı qələbədə əsas pay sahibi Barış Ekincier olub.
 

• "Qalatasaray" Çalhanoğlu üçün hərəkətə keçdi
• Klopp ilk ev oyununda uduzdu – Məsuliyyəti üzərinə götürdü
• İlkay Gündoğan “Qalatasaray”da xoşbəxt deyil – Yanvarda qərar verəcək
• Messi rekordun bir addımlığında – 76-cı cərimə zərbəsi qolu - VİDEO
• İsveç millisində ciddi itki - YIĞMANIN DÜŞƏRGƏSİNDƏN AYRILDI