"İlk 20-25 dəqiqədə öz oyunumuzu heç cürə tapa bilmirdik".

Apasport.az saytının məlumatına görə, bunu "Neftçi"nin futbolçusu Voislav Stankoviç deyib.

Serbiyalı müdafiəçi "Zirə”yə 0:1 hesabı ilə məğlub olduqları Azərbaycan kubokunun 1/4 final mərhələsinin ilk oyununu şərh edib. O, klubunun saytına bildirib ki, komandası səhvləri düzgün təhlil edib təkrarlamayacağı halda növbəti mərhələyə adlayacağına inanır: "Duellərdə və təhlükəli vəziyyətlərdə uduzurduq. Digər tərəfdən, "Zirə” güclü komandadır, yaxşı müdafiə və yarımmüdafiə xətti var. Bununla belə, ikinci hissədə daha inamlı oynayıb bir neçə dəfə qol epizodu yarada bildik. Qol vurmağa layiq idik, sadəcə, alınmadı. Zirədəki cavab matçında yaxşı oyun göstərməliyik. Yarımfinala vəsiqə qazanmaq şansımız var. Bunun üçün bugünkü səhvlərimizi düzgün təhlil edib cavab oyununda bunları təkrarlamamaq lazımdır. İnanıram ki, belə olsa növbəti mərhələyə adlayacağıq”.

• Arda Turan "Beşiktaş"a keçidi ilə bağlı: “Həmişə Qalatasaray”lı olduğumu söyləmişəm”
• Duşan Tadiç: "Kişi kimi məsuliyyəti boynumuza götürməliyik"
• “Ankaragücü” baş məşqçisi ilə yollarını ayırıb
• “Sent-Etyen”in baş məşqçisi bəlli olub
• Türkiyə Kubokunda püşk atıldı - "Fənərbaxça"nın adı var, amma...