Bakı. Mehman Süleymanov-APA-Sport. AFFA-nın hesabat-seçki konfransının vaxtı dəyişdirilib. “APA-Sport” agentliyinin məlumatına görə, federasiyanın İcraiyyə Komitəsi (İK) növbəti konfransın aprelin 28-də keçirilməsi ilə bağlı qərar çıxarıb. Hesabat-seçki konfransının aprelin 26-da keçirilməsi nəzərdə tutulmuşdu ki, bu da həftənin şənbə gününə təsadüf edir. Yeni iş həftəsinin ilk günündə keçirilməsi məqsədəuyğun sayılan konfransda İK-nın yeni tərkibinin üzvləri ilə yanaşı, AFFA-nın vitse-prezidentləri seçiləcək. İK-nın bugünkü toplantısında AFFA-nın Nizamnaməsinə uyğun olaraq Konfransın gündəliyinin və üzvlüyə qəbul olunmaqla bağlı keçid dövrü üçün Əsasnamənin təsdiq olunması haqda qərar qəbul olunub.
Qeyd edək ki, AFFA-nın son illərdə hesabat xarakteri daşıyan konfransları bir qayda olaraq aprelin 26-da keçirilib.

• Suzuki uğrunda yarış: PSJ və "Yuventus"
• "Arsenal"dan Vinisiusa rekord təklif – Bütün imkanlar səfərbərdir
• "Türkiyənin ən böyük klubu bizik" – İlkay Gündoğandan iddialı açıqlamalar
• "Qalatasaray" Reyndersi izləyir – "Mançester Siti" bu halda buraxacaq
• Kastro "Roma"ya, Dovbik "Bolonya"ya: 35 milyonluq transfer