AFFA-nın gəlirləri iki cür yaranır ki, bunlar öz vəsaiti və məqsədli maliyyələşmə hesabınadır. Gəlirlər smetasının 85 faizini məqsədli maliyyələşmələr təşkil edir ki, bunlar daha çox Azərbaycan Respublikası Dövlət Neft Şirkətinin (ARDNŞ) yardımı hesabına yaranır. AFFA prezidenti Rövnəq Abdullayevin eyni zamanda rəhbərlik etdiyi ARDNŞ bu il assosiasiyaya 6 milyon manat yardım edəcək. Qalan 2 milyon 557 min 200 manat UEFA və FİFA-nın yardımlarından ibarətdir. Assosiasiya milli komandamızın yayım hüquqlarına malik Almaniyanın “Sportfayv” şirkətindən 32 min 800 manat qazanacaq. 2010-cu il dünya çempionatının seçmə mərhələsinin oyunlarının təqviminə əsasən, bu il səfərdə Uels və Finlandiya, evdə Lixtenşteyn yığması ilə rəsmi oyun nəzərdə tutulub. AFFA-nın xərclərinə gəlincə, bunun yarıya qədərini milli komandalara sərf edilən vəsait təşkil edir.
Məlum olduğu kimi, ARDNŞ milli komandamızın sponsoru hesab edilir. AFFA-nın əvvəlki illərdən fərqli budəfəki xərclər smetasına futbol akademiyasının tikintisi üçün sərf olunacaq vəsait də daxil edilib ki, bu da 2 milyon manat təşkil edir. Assosiasiyanın inzibati binasının ərazisində inşa ediləcək akademiyanın tikintisinə beynəlxalq futbol qurumları da maddi yardım göstərəcək.

Azərbaycan Futbol Federasiyaları Assosiasiyasının
2008-ci ilə gəlirlər və xərclər smetasının proqnozu
gəlirlər
№	göstəricilər	proqnoz 2008
	01.01.2008-ci ilə qalıq	808,709.83
I	AFFA-nın öz vəsaiti hesabına	1,792,800.00
1.1.	Klublardan üzvlük haqqı və cərimələr	1,300,000.00
1.2.	Bilet satışından	80,000.00
1.3.	Teleyayım xidmətindən (Sportfayv)	32,800.00
1.4.	Marketinq və reklamdan (AFFA-nın partnyorlarla birlikdə tədbirlərindən)	80,000.00
1.5.	Sair daxilolmalar	300,000.00
II	Məqsədli maliyyələşmələr	8,557,200.00
2.1.	Azərbaycan Respublikası Dövlət Neft Şirkətinin yardımı	6,000,000.00
2.2.	UEFA-nın yardımı (Hatt-Trick proqramı çərçivəsində)	1,066,020.00
2.3.	UEFA-nın yardımı (Scoreboard proqramı çərçivəsində)	160,180.00
2.4.	UEFA-nın yardımı (Futbol Akademiyasının tikintisi üçün)	1,121,000.00
2.5.	FİFA-nın yardımı	210,000.00
	yekun	10,350,000.00
xərclər
1	Milli yığma komandaların xərci	4,500,000.00
2	Avadanlıq və idman ləvazimatlarının alınması	900,000.00
3	Milli komandalar üçün dərman preparatlarının alınması	150,000.00
4	Əmək haqqı	1,400,000.00
5	Sosial müdafiə fonduna ayırmalar	300,000.00
6	Vergi orqanına	300,000.00
7	Kommunal xərclər	200,000.00
8	Təsərrüfat xərcləri	450,000.00
9	Futbol Akademiyasının tikintisinə	2,000,000.00
10	Sair xərclər	150,000.00
	yekun	10,350,000.00