Bakı. Aqşin Əliyev-APA-Sport. Bu ilin iyulunda Azərbaycanda Açıq Əyləncəli Futbol Məktəbləri (OFFS) layihəsi çərçivəsində daha 13 meydançanın açılışı olacaq. Bu haqda “APA-Sport” agentliyinə AFFA-nın I vitse-prezidenti Rauf Əliyev məlumat verib. Məktəb yaşlı uşaqlar üçün nəzərdə tutulan bu meydançaların əsasən cəbhə bölgəsində yerləşdiyini bildirən R.Əliyev açılış tədbirlərinin dəqiq tarixlərinin hələlik müəyyənləşmədiyini deyib: “Meydançalar Ağdam, Füzuli, Biləsuvar, Ağcabədi və digər rayonlarda tikilir. 13 meydançanın açılışı iyulda 10 gün ərzində baş tutacaq”. AFFA rəsmisi onu da əlavə edib ki, açılış mərasimlərində OFFS proqramının rəhbəri, danimarkalı Anders Levinsen də iştirak edəcək.
Qeyd edək ki, hazırda ölkəmizdə OFFS layihəsi çərçivəsində inşa olunmuş 39 meydança fəaliyyət göstərir. Belə meydançaların birinin tikintisi təxminən 30 000 ABŞ dollarına başa gəlir.

• UEFA “Yuventus”a təzminat ödəyəcək
• Türkiyə millisinin əfsanə futbolçusu reanimasiyaya yerləşdirilib
• Ronaldodan yeni rekord
• “Fənərbaxça”nın legioneri millidə zədələnib
• "Fənərbaxça" - "Zenit" matçında "rəhbərlik istefa" şüarları