Bakı. Vüqar Xeyrullayev - APA-Sport. Azərbaycan Premyer Liqasının XXIV turunda keçirilən “Neftçi” - “Xəzər-Lənkəran” matçında mövsümün rekordu təkrarlanıb. “APA-Sport” agentliyinin məlumatına görə, 15 min tamaşaçı toplayan qarşılaşma Premyer Liqanın ən çox azarkeş toplayan görüşü olub. Bu matçadək rekord göstərici lənkəranlıların “İnter”lə matçında qeydə alınmışdı. Həmin oyunla müqayisədə 2 min azarkeşin çox gəldiyi “Neftçi” – “Xəzər-Lənkəran” qarşılaşması mövsümün yalnız bir matçındakı göstəricini üstələyə bilməyib. Belə ki, ölkə kubokunun ¼ final mərhələsinin “Xəzər-Lənkəran” - “Olimpik” görüşündə də 15 min seyrçi qeydə alınmışdı.

Mövsümün ən çox tamaşaçı toplayan oyunları:

“Neftçi” – “Xəzər-Lənkəran” – 15000 (XXIV tur)
“Xəzər-Lənkəran” – “Olimpik” – 15000 (1/4 final)
“Xəzər-Lənkəran” – “İnter” : 13000 (XXI tur)
“Xəzər-Lənkəran” – “Bakı” – 10000 (XXIII tur)

Qeyd edək ki, müstəqillik tarixinin rekordu da “Neftçi” – “Xəzər-Lənkəran” matçlarında qeydə alınıb. Komandaların 2005-ci ildə Gəncədə, ötən il Bakıda keçirilən oyunlarında 25 min tamaşaçı izləmişdi.