Bakı. Mehman Süleymanov – APA-Sport. “Bakı” klubu Qyoko Hacievski ilə əməkdaşlığı davam etdirəcək. Bu haqda “APA-Sport” agentliyinə Q.Hacievskinin özü məlumat verib. 53 yaşlı makedoniyalı mütəxəssis yeni mövsümdə özünü təsdiqləmək fikrindədir: “Klubla daha bir il anlaşmışıq. Hələlik rəsmi müqavilə bağlamasaq da, artıq prezident Hafiz Məmmədovla bu məsələni razılaşdırmışıq”. Ailə məsələləri ilə əlaqədar mövsümün son turunda “Turan”la oyun öncəsi vətəninə yollanan Q.Hacievskinin Bakıya qayıdışı qısa müddətli olub: “Artıq sabah yenidən vətənimə yollanıram. İyunun 21-də bir araya gəlməyi planlaşdırmışıq və geri qayıdandan sonra anlaşmamızı rəsmiləşdirəcəyik. Həmin müddətədək heyətin komplektləşdirilməsinin başa çatdırmağa çalışacağıq. Gələn mövsümdə daha iddialı olub, yüksək yerlər uğrunda mübarizə aparacağıq”.
Qeyd edək ki, Q.Hacievski ötən ilin sentyabrında, IV turda Bakının “Standard” ilə klubu səfər oyunundan (1:1) sonra istefa verən Böyükağa Hacıyevi baş məşqçi postunda əvəzləyib.

• “Qalatasaray”a Osimhen müjdəsi – Qayıdacağı tarix bəlli oldu
• “Mançester Yunayted” Premyer Liqadan müdafiəçi seçdi
• “Mançester Yunayted” Premyer Liqada sonuncudur – Şok statistika
• Zidan Fransa millisində ilk məşqini keçirdi – Debüt Türkiyəyə qarşı olacaq
• Şeşko yenidən zədələndi – MİLLİNİN DÜŞƏRGƏSİNİ TƏRK ETDİ