Bakı. Kənan Həsənov - APA-Sport. Portuqaliya milli komandasının üzvü Kriştiano Ronaldonun İspaniyanın “Real” klubuna transferi baş tutmayıb. “APA-Sport” agentliyinin məlumatına görə, istedadlı futbolçu karyerasını məxsus olduğu İngiltərənin “Mançester Yunayted” klubunda davam etdirəcək. K.Ronaldo komandanın baş məşqçisi Aleks Ferqyusonla görüşdən sonra bu qərara gəldiyini bildirib: “Ferqyusonla görüşdüm. Bir-birimizin fikirlərini dinlədik. Nəticədə belə qərara gəldik ki, hər iki tərəfin marağına uyğun olaraq daha bir mövsüm komandada qalım”.