Bakı. Vüqar Xeyrullayev - APA-Sport. “Ötən il Bakıda Azərbaycana uduzduğumuz oyunu yaxşı xatırlayıram. Hələ də həmin məğlubiyyətin acısını unutmamışıq”. “APA-Sport”un məlumatına görə, bu sözləri oktyabrın 11-də Azərbaycan milli komandası ilə qarşılaşacaq Finlandiya yığmasının yarımmüdafiəçisi Mika Vayrinen deyib. 27 yaşlı futbolçu komanda yoldaşlarını sayıq olmağa çağırıb: “Lakin keçmişi unutmalıyıq. Çünki indi yeni oyun və yeni seçmə mərhələdir. Azərbaycanla qarşılaşmada yalnız qələbə bizim üçün məqbul sayıla bilər. Təbii ki, qarşılaşmanın favoriti bizik. Lakin Azərbaycan yığmasının həmlələrində sayıq olmalıyıq. Müdafiəmiz hücuma aludə olan komanda yoldaşlarına baxıb yuxuya getməməlidir. Belə rəqibin qapısına qol vurmaq da çətindir. Çünki qapanan komandaların sıx müdafiəsini yarmaq asan olmur”.

• “Barselona”da “Qalatasaray”la oyun öncəsi ciddi itkilər – 4 futbolçu heyətdən kənarda
• “Feyenoord”un sabiq futbolçusu vəfat edib
• Haaland PSJ-nin iki futbolçusunu fərqləndirdi – “Onları izləmək heyranedicidir”
• Ronaldodan Mbappeyə məsləhət: “Madriddə olsaydım, ona öyrədərdim”
• Günün oyunları bu kanallarda - TV AFİŞA