Bakı - APA-Sport. Türkiyənin “Qalatasaray” klubunun baş məşqçisi postunu tutmağa namizədlərin sayı artır. “APA-Sport”un məlumatına görə, İstanbul təmsilçisini çalışdıracaq mümkün mütəxəssislərin sırasına Roberto Mançinin adı əlavə olunub.
İtaliya mətbuatı “Qalatasaray” rəhbərliyinin “İnter”i tərk edən gənc mütəxəssislə danışıqlar apardığı haqda xəbərlər yayıb. Amma Mançinin bu təklifə necə münasibət göstərməsi haqda məlumat verilmir.
Qeyd edək ki, “Qalatasaray” rəhbərliyi hazırkı baş məşqçi Mihael Skibbenin fəaliyyətindən narazıdır. Buna güclü heyətə malik komandanın Superliqada zəif çıxışı və Çempionlar Liqasının qrup mərhələsinə vəsiqə qazana bilməməsi səbəb olub.

• UEFA “Yuventus”a təzminat ödəyəcək
• Türkiyə millisinin əfsanə futbolçusu reanimasiyaya yerləşdirilib
• Ronaldodan yeni rekord
• “Fənərbaxça”nın legioneri millidə zədələnib
• "Fənərbaxça" - "Zenit" matçında "rəhbərlik istefa" şüarları