Bakı - APA-Sport. “Rəqibə qətiyyən yuxarıdan aşağı baxmırıq. Bu oyunda xal itkisinə yol verməməliyik”. “APA-Sport”un məlumatına görə, bu sözləri Türkiyə yığmasının baş məşqçisi Fatih Terim söyləyib.

Sabah Tallində dünya çempionatının seçmə mərhələsi çərçivəsində Estoniya ilə qarşılaşacaqlarını xatırladan təcrübəli mütəxəssis zəif rəqib anlayışının yox olduğunu vurğulayıb: “İstanbulda Belçika ilə oyunda yersiz xal itkisinə yol verdik. Bosniya və Herseqovina ilə görüşdə isə yaxşı təsir bağışladıq. Eyni oyunu Estoniyaya qarşı da sərgiləməliyik. Çünki komandalar arasında fərq getdikcə azalır. Yaxşı komanda olduğumuzu qələbə qazanmaqla göstərməliyik. Diqqətsiz davransaq, rəqib bizi cəzalandıracaq”.

• UEFA “Yuventus”a təzminat ödəyəcək
• Türkiyə millisinin əfsanə futbolçusu reanimasiyaya yerləşdirilib
• Ronaldodan yeni rekord
• “Fənərbaxça”nın legioneri millidə zədələnib
• "Fənərbaxça" - "Zenit" matçında "rəhbərlik istefa" şüarları