Azərbaycan milli komandasının Hondurasla yoldaşlıq görüşü iyunun 2-də keçiriləcək. Apasport.az saytının məlumatına görə, mərkəzi amerikalı həmkarlarımız Avstriyadakı görüşün iyunun 5-də baş tutacağı haqda xəbər yaysa da, bu həqiqəti əks etdirməyib.

Belə ki, Honduras Futbol Federasiyasından AFFA-ya daxil olan rəsmi sənəddə millimizlə matçın tarixi kimi iyunun 2-si göstərilib. Honduras mətbuatı isə DÇ-2010-nun final mərhələsinin iştirakçısı olan yığmalarının həmin gün Rumıniya ilə oynayacağını iddia edir. Onların yazdığına görə, rəqibimiz mayın 27-də Belarus, iyunun 2-də Rumıniya, 5-də Azərbaycan yığması ilə görüşməlidir.

Məsələyə aydınlıq gətirən AFFA-nın İnformasiya və İctimaiyyətlə Əlaqələr Departamentinin rəisi Mikayıl Nərimanoğlu vaxtla bağlı anlaşılmazlığı belə izah edib: “Hansısa Honduras qəzetinin yazdığı xəbər həmişə düz ola bilməz ki... AFFA-ya gələn rəsmi sənəddə matçın iyunun 2-də keçiriləcəyi əks olunub”.

Qeyd edək ki, Avstriyadakı qarşılaşmanın keçiriləcəyi şəhər və stadion hələ dəqiqləşməyib.

• Türkiyə futbolunda mərc skandalı - “Trabzonspor”un prezidenti də siyahıda
• “Roma” Messinin vida matçına iki futbolçusunu buraxmadı
• “Tottenhem” və “Aston Villa” 20 yaşlı argentinalının izində
• “Qalatasaray” milli fasilədə yoxlama matçı keçirəcək
• De Xea “Mançester Siti”yə yenə söz atdı: “Deməli, yenidən danışırıq...”