Bu gün 19 yaşadək futbolçulardan ibarət komandalar arasında Avropa çempionatının elit-raundu start götürüb. Apasport.az saytının məlumatına görə, Azərbaycan milli komandası oyunları Türkiyədə keçirilən IV qrupda mübarizə aparır.

Bernard Lippertin yetirmələri ilk görüşünü meydan sahiblərinə qarşı keçirib və meydandan məğlub ayrılıb. Komandamız öz qapısından 2 cavabsız top buraxıb, üstəlik bir futbolçusunu itirib.

Yığmamızın yer aldığı qrupun qalibi olaraq final mərhələsinə vəsiqə qazanmaq üçün mübarizəyə qoşulan digər iki komanda – İspaniya və Norveç də öz aralarında münasibətlərini ayırd edib. Bu qarşılaşmada qalib müəyyənləşməyib.

Qeyd edək ki, qitə çempionatının final mərhələsi Fransada keçiriləcək.

14 aprel

18:00. Türkiyə - Azərbaycan - 2:0
Qollar: Əmrə Çolak, 55 (pen.); 58
Oyunun 70-ci dəqiqəsində komandamızın müdafiəçisi Tərlan Quliyev qırmızı vərəqə alaraq meydandan qovulub.
Əskişəhər (Türkiyə). Atatürk stadionu

Türkiyə: 1. Özkan Karabulut, 2. Okan Alkan, 3. Özgün Çek, 4. Volkan Dikmen, 5. Əmrah Yollu, 6. Necip Uysal (k), 7. İsmayıl Haktan Odabaşı, 8. Alper Potuk (15. Orxan Gülle, 46), 9. Əli Küçik, 10. Əmrə Çolak (14. Sönər Aydoğdu, 73), 11. Erkan Kaş (13. Onur Karakabak, 46)

Azərbaycan: 1. Səlahət Ağayev, 2. Qara Qarayev, 3. Tərlan Quliyev, 5. Fariz Məmmədov, 6. Mirhüseyn Seyidov (k), 7. Araz Abdullayev, 8. Yasin Yaqubzadə, 9. Orxan Həsənov, 10. Tural İsgəndərov (16. Hacı Əhmədov, 74), 15. Amit Quluzadə, 17. Rəhman Hacıyev (18. Murad Səttarlı, 46)

18:00. İspaniya – Norveç - 1:1
Qollar: Roxina, 62 - Lehne Olsen, 44
Əskişəhərpor (Türkiyə). Anadolu Universitetinin stadionu

• Samuel Umtiti karyerasını başa vurdu
• "Fənər" Klublar Birliyindəki fəaliyyətini dayandırıb
• "Milan"da CİDDİ İTKİ
• Günün matçları bu kanallarda
• "Barselona" qol oldu, yağdı - 6 qollu qələbə