Unibank Premyer Liqasının XXVIII turunda öz meydanında “Bakı”ya böyük hesabla (1:4) uduzan “Qarabağ”ın baş məşqçisi Qurban Qurbanov üzləşdikləri uğursuzluğu futbolçularının bu günlərdə millinin təlim-məşq toplanışında olması ilə əlaqələndirib. Apasport.az saytının məlumatına görə, oyundan sonra keçirilən mətbuat konfransında gənc çalışdırıcı yeddi futbolçusunun Azərbaycan yığmasının təlim-məşq toplanışında olduğunu və düşərgəyə yorğun qayıtdıqlarını söyləyib: “Bakı” ilə oyuna istədiyimiz kimi hazırlaşa bilməmişdik”.

Qurbanovun fikrincə, birinci hissədə açıq futbol gedib: “Qapımıza vurulan ikinci qol həlledici oldu. Aydın məsələdir ki, bundan sonra rəqib əks-hücumda bizi yaxalamalı idi. Onlar istəklərinə tam nail oldular. Rəqibi təbrik edirəm. Eyni zamanda, bildirmək istəyirəm ki, biz Avropa kuboklarına düşmək üçün mübarizəmizi davam etdiririk”.

• "Barselona" qol oldu, yağdı - 6 qollu qələbə
• Xabi Alonso “Real”ın tarixinə düşüb
• “Fənərbaxça” - “Trabzonspor” matçı bu kanalda
• “Beşiktaş”ın futbolçusu Yunanıstan klubunda - RƏSMİ
• “Fənərbaxça” – “Trabzonspor” oyununun saatı dəyişdirilib: MİLLİ MATÇA GÖRƏ