“Qarabağ”ın 17, “Xəzər-Lənkəran”ın 19 potensial rəqibi məlumdur

24.05.2010 - 10:44

Avropa Liqasının I təsnifat mərhələsində çıxış edəcəyi dəqiqləşən “Xəzər-Lənkəran” buna nail olan 41-ci komanda olub. Apasport.az saytının məlumatına görə, mübarizəyə bu raunddan başlayacaq 52 klubdan məlum olan 41-nin püşkatma zamanı hansı səbətdə yer alacağı ilə bağlı müəyyən məqamlara aydınlıq gəlib.

Yüksək reytinqə malik səpələnmişlərin səbətində qərarlaşacaq 26 komanda arasında Ağdam təmsilçisi “Qarabağ” da olacaq. Təmsilçimiz istisna olmaqla, digər 25 komanda “Xəzər-Lənkəran”ın potensial rəqibləri sayılır. Bu 25 rəqibdən isə 17-si məlumdur. Onlar arasında “Anortosis”, “Kalmar” kimi qitə səviyyəsində ortabab sayılanlar da yer alıb.

Lənkəranlıların yer aldığı səpələnməmişlər səbətinin klubları isə “Qarabağ”ın potensial rəqiblərindən təşkil olunub. Buradakı 26 komandadan 20-si artıq məlumdur. Bu isə o deməkdir ki, Qurban Qurbanovun yetirmələrinin 19 potensial rəqibi bəllidir.
Qeyd edək ki, avrokuboklarda mövsümün ilk püşkatması iyunun 21-də keçiriləcək.

I təsnifat mərhələsi
Səbət bilinməyən klublar:
“Olimpiya” (Moldova) - 1,458
“Moqren” (Çernoqoriya) – 1,425
“Tobol” (Qazaxıstan) - 1.399

Moldova və Makedoniyanın hərəsindən 1, Macarıstandan 2 klub müəyyənləşmədiyindən hansı səbətdə yer alacağı dəqiqləşməyib.

Səpələnmişlər:
“Anortosis” (Kipr) - 13.099
“Randers” (Danimarka) – 6,470
“Kalmar” (İsveç) - 5.838
“Bney Yehuda” (İsrail)- 5.275
“Nitra” (Slovakiya) - 3.166
“Mü-PA-47” (Finlandiya) - 2.899
“Gefle” (İsveç) – 2,838

“QARABAG” (AZƏRBAYCAN) – 2,599
“Rux” (Polşa) – 2, 508
“Sibenik” (Xorvatiya) – 2,466
“Osiyek” (Xorvatiya) – 2,466
“Dnepr” (Belarus) – 2,308
“Skonto” (Latviya) – 2, 149
“Reykyavik” (İslandiya) – 2,083
“Dandalk” (İrlandiya) – 1,908
TPS (Finlandiya) – 1,899
“Tirana” (Albaniya) – 1,799
“Tauras” (Litva) - 1.683
“Zestafoni” (Gürcüstan) - 1.649

Belarus, Gürcüstanın hərəsindən 1, Bosniya və Herseqovinadan 2 klubun adı müəyyənləşməsə də kimliyindən asılı olmayaraq, səpələnmişlər sırasında yer alacaq. Hələ səbəti bilinməyənlərdən də 4-ü bura daxil olacaq.

Səpələnməmişlər:
“Olimpiya” (Sloveniya) - 1.391
“Flora (Estoniya) - 1,374
“Streynur” (Farer adaları) – 1,366
“Qlentoran” (Şimali İrlandiya) – 1,324
“Trans” (Estoniya) – 1,124

“XƏZƏR-LƏNKƏRAN” (AZƏRBAYCAN) – 1,099
“Falkirk” (İslandiya) – 1,080
“Metallurq” (Makedoniya) – 1,066
“Şaxtyor” (Qazaxıstan) – 0,899
“Banants” (Ermənistan) – 0,849
“Laçi” (Albaniya) – 0,799
“Llanelli” (Uels) – 0,766
“Runavik” (Farer adaları) – 0,616
“Ulisse” (Ermənistan) – 0,599
“Talbot Taun” (Uels) – 0,516
“Zeta” (Çernoqoriya) – 0,425
“Portadaun” (Şimali İrlandiya) – 0,324
“Dudelanj” (Lüksemburq) – 0,249
“Santa Koloma” (Andorra) – 0,200
“Lusiytanos” (Andorra) – 0,200

Malta, Lüksemburq və San Marinonun hərəsindən 1 klub səpələnməmişlər arasında olacaq. Səbəti bilinməyənlərin də 3-ü səpələnməmişlər sırasında yer alacaq.

Vüqar XEYRULLAYEV