“Transfer çalışmasını davam etdiririk. Dünən daha bir legionerlə müqavilə imzaladıq”. Bu sözləri apasport.az saytına açıqlamasında “Gəncə” klubunun prezidenti Elmir Əliyev deyib.

Mövsümün açılış oyununda “Simurq”la qarşılaşan və heç-heçəyə nail olan əyalət təmsilçisi II tur çərçivəsində “Qarabağ”la oyunu təxirə salındığından istirahət edib. Fuad İsmayılovun yetirmələri həftəsonu AZAL-la qarşılaşacaq. “Təyyarəçilər”lə oyunda qələbə qazanmaq istəyən əyalət təmsilçisi Fransa çempionatında çıxış etmiş hücumçunu heyətinə qatıb. Klub prezidentinin sözlərinə görə, futbolçu ilə artıq 1 il müddətini əhatə edən müqaviləyə imza atılıb: “Armanda kamerunludur, ampluası hücumçudur. Artıq müqavilə imzalanıb”.

Əliyev daha bir oyunçunun keçidinin baş tutacağını istisna etməyib. Belə ki, adını dəqiqləşdirə bilmədiyimiz futbolçu bir neçə gündür “Gəncə”nin məşqlərində iştirak edir: “Həm futbolçu ilə, həm də klubu ilə danışıqlar davam edir. Rusiyada oynayıb. Maddi məsələlərdə ortaq məxrəcə gəlməliyik. O, müdafiəçidir və hazırda komandanın məşqlərində iştirak edir”.

• Mateuş Silva Çempionlar Liqasının rəmzi heyətində
• Günün canlı yayımlanacaq matçları - TV AFİŞA
• İrfan Can “Fənər” azarkeşlərindən üzr istəyib
• Mourinyo “Benfika”da - RƏSMİ
• TFF-dən “Fənərbaxça”ya: ”Federasiyamız “hesab vermə kürsüsü” deyil”