“Fənərbaxça”nın futbolçusu Daniel Quiza karyerasını vətənində davam etdirməyə yaxındır. Apasport.az saytının məlumatına görə, bu gün 30 yaşını qeyd edən hücumçu Primeronun debütantı “Erkules”lə razılığa gəlib. Klubun prezidenti Enrike Ortis 2008-ci ildə İspaniya yığması ilə Avropa çempionu olan futbolçuya 4 illik müqavilə təklif edib.

Lakin keçidin baş tutması üçün “Erkules” rəhbərliyi türklərlə dil tapmalıdır. Belə ki, ispaniyalılar İstanbul təmsilçisinə 4 milyon avro vermək niyyətindədir. “Fənərbaxça” rəhbərliyi isə Quiza üçün daha çox 7 milyon tələb edir. Bu məbləğ də Ortisi qane etmir. Quiza isə tərəflərin ortaq məxrəcə gələcəyini gözləyir.

Qeyd edək ki, Daniel İspaniya millisində keçirdiyi 20 oyunda 6 qol vurub.

• İrfan Can “Fənər” azarkeşlərindən üzr istəyib
• Mourinyo “Benfika”da - RƏSMİ
• TFF-dən “Fənərbaxça”ya: ”Federasiyamız “hesab vermə kürsüsü” deyil”
• Ali Koç TFF-nin inzibati binasına yollanır
• Günün canlı yayımlanacaq matçları - TV AFİŞA