Rusiyanın “Anji” klubunun azarkeşləri Dağıstan prezidentinə müraciət ediblər. Apasport.az saytının məlumatına görə, fanatlar sevimli komandalarının doğma stadionda oynaya bilməməyindən narahatıdırlar.

Belə ki, Azərbaycan milli komandasının futbolçusu Mahir Şükürovun da çıxış etdiyi Mahaçqala təmsilçisi son ev oyununu Vladiqafqazda keçirməli olmuşdu. Bunun səbəbi isə “Anji”nin stadionunun ot örtüyünün bərbad gündə olmasıdır. Qarşıdakı matçlarla bağlı vəziyyətin də hələ tam aydınlaşmadığından gileylənən dağıstanlılar prezident Məhəmmədsalam Məhəmmədov və daxili işlər naziri Əbdürəşid Məhəmmədovdan məsələylə bağlı ölçü götürməyi xahiş ediblər. Azarkeşlər Mahir və komandasını doğma stadionda görmək arzusundadırlar.

Qeyd edək ki, “Anji” “Terek”lə neytral meydanda oynamalı olduğu matçda 1:0 hesabı ilə qalib gəlmişdi.

• İrfan Can “Fənər” azarkeşlərindən üzr istəyib
• Mourinyo “Benfika”da - RƏSMİ
• TFF-dən “Fənərbaxça”ya: ”Federasiyamız “hesab vermə kürsüsü” deyil”
• Ali Koç TFF-nin inzibati binasına yollanır
• Günün canlı yayımlanacaq matçları - TV AFİŞA