Sabah Avropa Liqasının pley-off mərhələsinin ilk oyunlarına yekun vurulacaq. Apasport.az saytının məlumatına görə, Azərbaycanın avrokuboklarda mübarizəni davam etdirən yeganə təmsilçisi Ağdamın “Qarabağ” klubu məşhur “Vestfalenştadion”da meydana çıxacaq. Qurban Qurbanovun yetirmələri Almaniyanın ən titullu klublarından biri olan “Borussiya” ilə ilk matçda qüvvəsini sınayacaq.

Dortmund təmsilçisi “Böyük beşlik” çempionatlarının ikinci komandası olacaq ki, Azərbaycan klubunu sınağa çəkir. İlk belə komanda Fransa “Monpelye”si olub. Onların da qarşısına “Qarabağ” çıxmalı olmuşdu. Lakin indiki ilə müqayisədə daha zəif olan ağdamlılar o vaxt darmadağından qaça bilməmişdi. 1999-cu ilin yayındakı görüşlərdə fransızlar Bakıda 3, öz meydanlarında isə 6 cavabsız qol vurmuşdular.

Avropa Liqası
Pley-off mərhələsi, ilk oyun
19 avqust

00:05. “BORUSSİYA” (DORTMUND, ALMANİYA) – “QARABAĞ” (AĞDAM, AZƏRBAYCAN)
Baş hakim: Pavel Kristian Balay
Baş hakimin köməkçiləri: Zoltan Szekeli, İonel Popa
Dördüncü hakim: Auqustus Viorel Konstantin (hamısı Rumıniya)
Hakim-inspektor: Rene Temmink (Hollandiya)
UEFA nümayəndəsi: George Fantaros (Kipr)
Dortmund. “Siqnal İduna Park” (“Vestfalenştadion”) stadionu

• İrfan Can “Fənər” azarkeşlərindən üzr istəyib
• Mourinyo “Benfika”da - RƏSMİ
• TFF-dən “Fənərbaxça”ya: ”Federasiyamız “hesab vermə kürsüsü” deyil”
• Ali Koç TFF-nin inzibati binasına yollanır
• Günün canlı yayımlanacaq matçları - TV AFİŞA