“Emin Quliyevlə dünən 1 illik müqaviləyə imza atmışıq. O, qarşıdakı mövsümdə komandamızın uğurları üçün çalışacaq”. Bu sözləri apasport.az saytına açıqlamasında “Abşeron” klubunun baş məşqçisi Mirbağır İsayev deyib.

Cari mövsümdən I divizionda yarışacaq paytaxt təmsilçisi debüt ilində Premyer Liqaya yüksəlmək niyyətindədir. Buna görə də, klub rəhbərliyi gənclərlə yanaşı, elita təcrübəsi olan futbolçuları da heyətinə qatır. İsayev bu addımı gənclərin təcrübəlilərdən öyrənməli çox şeyin olduğunu anladıqları üçün atdıqlarını deyib. O, Quliyevin hələ futbolçu kimi tükənmədiyini də vurğulayıb: “Cavan uşaqların ondan öyrənəcəyi çox şey var. Eminin təcrübəsi bizə çox lazımdır. Əvvəlki formasını bərpa edəcəyinə inanıram. Quliyev futbolçu kimi hələ tükənmədiyini sübut edəcək”.

Sonda Mirbağır İsayev I divizionun ilk turu çərçivəsində “Şəmkir”lə keçirəcəkləri oyunla bağlı fikirlərini də açıqlayıb: “Hər iki komanda qələbə qazanmaq üçün meydana çıxacaq. Həm özümüzə, həm də “Şəmkir”ə uğurlar arzulayıram. İnanıram ki, maraqlı oyun olacaq”.

• Mərc qalmaqalı üzə çıxıb: İspaniyalı futbolçu saxlanılıb
• Fatih Terimin komandasında ayrılıq
• Malen "Aston Villa"da
• Emre Belözoğlu “Antalyaspor”da
• Kvaratsxeliya rəsmən PSJ-də