19 yaşadək futbolçular arasında Avropa çempionatının seçmə mərhələsinin ən yaxşı bombardirlərinin siyahısı açıqlanıb. Apasport.az saytının məlumatına görə, bu günə olan cədvəldə Azərbaycan milli komandasının üzvü də var. Bu, Portuqaliyada təşkil olunan 3-cü qrupun matçlarında 3 qol vuran Tural İsgəndərovdur.

Ağdamın “Qarabağ” klubunun şərəfini qoruyan gənc hücumçu Portuqaliyaya 1, Gürcüstana 2 qol vurub. O, qitə çempionatının ən məhsuldar futbolçularından yalnız 1 qol geri qalır. Siyahıya başçılıq edən Benik Afobe (İngiltərə), Kevin Volland (Almaniya), Ceyms Kitinqs (Şotlandiya) hərəyə 4 qol vurublar. Tural isə daha 7 futbolçu ilə bərabər 4-11-ci yerləri bölüşür.

Qeyd edək ki, “Qarabağ”ın daha bir futbolçusu Əfran İsmayılov bir müddət Avropa Liqasının bombardirləri siyahısında qərarlaşmışdı.

• Dünyanın ən yaxşı gənci yenə Yamal seçildi
• Portuqaliya millisinin üzvü “Tottenhem”də qalacaq
• Haalanddan növbəti uğur: Sulşerə şərik çıxdı
• Buskets qərarını verdi: KARYERASINI BAŞA VURUR
• Artetadan unikal nailiyyət