Beynəlxalq Futbol Tarixi və Statistikası Federasiyası (İFFHS) XXI əsrdə dünyanın ən yaxşı məşqçilərinin siyahısını açıqlayıb. Apasport.az saytının məlumatına görə, Londonun “Arsenal” klubunu çalışdıran Arsen Venger 2000-10-cu illərin ən yaxşısı seçilib.

1996-cı ildən bu vəzifədə çalışan fransalı mütəxəssis 142 xalla 1-ci olub. “Mançester Yunayted”in əfsanəvi şotlandiyalı baş məşqçisi Aleks Ferqyusson 133 xalla 2-ci, “Real”ın portuqaliyalı çalışdırıcısı Joze Mourinyo 115 xalla 3-cü yeri tutub.

Türkiyə yığmasının hollandiyalı baş məşqçisi Qus Hiddink 112 xalla 4-cü olub. Almaniya millisinin çalışdırıcısı Yoahim Löv isə heç “20-liy”ə düşməyib. 39 xalı olan almaniyalı 27-ci yeri tutub. Siyahıda ölkəmizdə işləyən mütəxəssis – Vinfred Şafer də var. 50-ci olan “Bakı”nın almaniyalı çalışdırıcısının hesabında 22 xal var.

Qeyd edək ki, 162 nəfərin daxil olduğu siyahıya Türkiyədən iki mütəxəssis – yığmanın sabiq baş məşqçiləri Şenol Günəş (44-cü yer, 25 xal) və Fatih Terim (62-ci yer, 18 xal) düşüb.

• Luis Enrike zirvədə: Dünyanın ən yaxşı baş məşqçisi seçildi
• Dünyanın ən yaxşı gənci yenə Yamal seçildi
• Portuqaliya millisinin üzvü “Tottenhem”də qalacaq
• Haalanddan növbəti uğur: Sulşerə şərik çıxdı
• Buskets qərarını verdi: KARYERASINI BAŞA VURUR