Salyanın "Muğan" klubu İngiltərənin tanınmış "Prozon" şirkəti ilə əməkdaşlıq edəcək. Apasport.az saytının məlumatına görə, Premyer Liqa təmsilçisi ilə Böyük Britaniya şirkəti arasında 2 illik müqavilə imzalanıb.

Anlaşmaya əsasən Salyan təmsilçisi 2 il müddətində şirkətin təqdim etdiyi məhsulların imkanlarından istifadə edərək, oyunların analizini yerinə yetirəcək. Bu texnologiyalar vasitəsilə futbolçuların fiziki və taktiki göstəricilərinin kompüter versiyası əks etdirilir.

Fəaliyyətə 1998–ci ildə başlayan “Prozon”un İngiltərədə, İspaniyada, ABŞ-da, BƏƏ–də, Hindistanda, Yaponiyada ofisləri fəaliyyət göstərir. Bundan başqa, şirkət FİFA, US Soccer, “Mançestr Yunayted”, “Real” Madrid, “Arsenal” kimi dünyada məşhur futbol təşkilatları və klubları ilə sıx əməkdaşlıq əlaqələri yaradıb.

Qeyd edək ki, müqaviləyə əsasən şirkətin Azərbaycandakı rəsmi distribütorluq hüququ da "Muğan"a məxsusdur.

Mənbə: muganfc.az

• “Barsa”da istənmədi, PSJ-də “Qızıl Top”u qazandı!
• İlin ən yaxşı kollektivi açıqlandı - TARİXDƏ İLK DƏFƏ
• “Lev Yaşin” mükafatının qalibi bəlli olub
• Luis Enrike zirvədə: Dünyanın ən yaxşı baş məşqçisi seçildi
• Dünyanın ən yaxşı gənci yenə Yamal seçildi