Azərbaycan milli komandasının futbolçusu Mahir Şükürov bilyard oynamaq imkanı əldə edəcək. Apasport.az saytının məlumatına görə, Dağıstanın prezidenti Məhəmməd Salam Məhəmmədov 28 yaşlı yarımmüdafiəçinin çıxış etdiyi “Anji” klubuna bilyard stolu söz verib. O, klubun bazasına baş çəkərək rəhbərlik, məşqçilər heyəti və futbolçularla görüşüb.

Mahir və komanda yoldaşları ilə təxminən bir saat söhbət edən Məhəmmədov onların problemlərini dinləyib və söz verib ki, oyunçuları narahat edən məsələlər həllini tapacaq. Yəni, futbolçuların şikayətləndiyi iki problem qaydasına qoyulacaq: bazada internetin sürəti düzələcək və bilyard stolunun quraşdırılacaq.

Respublika prezidenti “Anji”nin Dağıstan üçün əhəmiyyət kəsb etdiyini vurğulayaraq komandanın nəticələrinin gələn mövsüm daha yaxşı olacağına əminliyini bildirib. Məhəmmədov yeni sponsorların hesabına maliyyə dəstəyinin də artırılacağını vəd edib.

• “Barsa”da istənmədi, PSJ-də “Qızıl Top”u qazandı!
• İlin ən yaxşı kollektivi açıqlandı - TARİXDƏ İLK DƏFƏ
• “Lev Yaşin” mükafatının qalibi bəlli olub
• Luis Enrike zirvədə: Dünyanın ən yaxşı baş məşqçisi seçildi
• Dünyanın ən yaxşı gənci yenə Yamal seçildi