“Neftçi” klubunun prezidenti Sadıq Sadıqov Unibank Premyer Liqasının X turu çərçivəsində Tofiq Bəhramov adına Respublika stadionunda keçirilən "Gəncə" ilə oyunu izləyənlər arasında olub. Apasport.az saytının xəbərinə görə, flaqmanın 6:2 hesablı qələbəsi ilə bitən qarşılaşmadan sonra Sadıq Sadıqov komandanın paltardəyişmə otağına baş çəkib.

O, futbolçu və məşqçi heyətini qələbə münasibətilə təbrik edib, onlara gələcək oyunlarda uğurlar arzulayıb. Ardından Sadıqov "Gəncə"nin də paltardəyişmə otağında olub, rəqib komandanın məşqçiləri və futbolçuları ilə görüşüb. O, "Fair play" qaydalarına əməl etdiklərinə, meydandan əsl idman mübarizəsi apardıqlarına görə "Gəncə" üzvlərinə təşəkkürünü bildirib. "Neftçi" rəhbəri böyük tarixə malik olan "Gəncə" klubunun Premyer Liqaya rəng qatdığını söyləyib və onlara qarşıdakı turlarda uğurlar diləyib.

• ”Roma”dan Ferqyuson qərarı
• “Beşiktaş” “Torino”nun futbolçusu ilə maraqlanır
• Sabiq “fənər”li I Liqa klubunu tərk edib - RƏSMİ
• “Qızıl top”un favoriti müəyyənləşdi - Mbappe və Haaland geridə qaldı
• Günün matçları bu kanallarda - TV AFİŞA