“Xəzər Lənkəran”ın yubiley qolları

25.10.2010 - 14:36

Uinston Parks “Xəzər Lənkəran” klubunun tarixinə düşüb. Apasport.az saytının məlumatına görə, kosta-rikalı hücumçu 6 yaşlı klubunun tarixinə növbəti yubiley – 400-cü qolun müəllifi kimi adını yazdırıb. Parks Unibank Premyer Liqasının X turunun “Turan”la ev oyununda hesabı açmaqla, yubileyin səbəbkarı oldu. Bu olay elə oyun zamanı stadionda elan olunmaqla, “Xəzər Lənkəran”in azarkeşlərinə yubiley xəbəri çatdırılıb.

Maraqlıdır ki, “Xəzər Lənkəran”ın ilk qolu da “Turan”la, lakin səfərdə – Qazaxdakı görüşdə vurulub. Bu, komandanın tarixində ilk oyunudur. Həmin vaxt da əcnəbi hücumçu – albaniyalı Çöri İlir qol sevinci yaşamışdı.

“Xəzər Lənkəran”ın yubiley qolları

1	2	3	4	5	6	7	8
1.	Çöri İlir (Albaniya)	Çempionat	“Turan”	s	1:1	07.08.2004	26
50.	Oktay Dərəlioğlu (Türkiyə)	Çempionat	MOİK	s	1:0	12.04.2005	40-p
100.	Xaqani Məmmədov	Çempionat	“Olimpik”	e	1:0	12.02.2006	78
150.	Vüqar Nadirov	Kubok, 1/8	“Bakılı”	e	4:0	20.11.2006	90+1
200.	Zaur Ramazanov	Çempionat	“Masallı”	s	3:0	18.08.2007	88
250.	Zaur Ramazanov	Birlik kuboku, final	“Paxtakor” (Özbəkistan)	n	4:3	27.01.2008	43
300.	Klaudiu Radukanu (Rumıniya)	Kubok, 1/8	NBC (indiki “Muğan”)	e	3:0	30.10.2008	23
350.	Mario Souza (Braziliya)	Kubok, 1/8	“Muğan”	e	3:0	04.11.2009	53
400.	Uinston Parks (Kosta-Rika)	Çempionat	“Turan”	e	2:0	23.10.2010	7

1 - yubiley qolu, 2 –müəllifi (legionerlər üçün vətəndaşlığı), 3- turnir, 4 – rəqib, 5- meydan, 6 – hesab, 7 – tarix, 8- yubiley qolun dəqiqəsi.

Qeyd edək ki, 2004/05 mövsümündə çempionata təsadüf edən “Şəfa” üzərində texniki qələbə (3:0), həmçinin 2005/06 mövsümündə ölkə kubokunda “MKT-Araz”la nəticəsi ləğv olunan oyunların top fərqi nəzərə alınmır.

Mənbə: lankaranfc.com