“Azərbaycan yığması ilə yoldaşlıq görüşünün bizim üçün ciddi sınaq olacağını gözləyirik”. Lent.az-ın məlumatına görə, bu sözləri Çernoqoriya millisinin baş məşqçisi Zlatko Krançar “Vijesti” nəşrinə müsahibəsində deyib.

54 yaşlı mütəxəssis bildirib ki, 2012-ci il Avropa çempionatının seçmə qrup mərhələsində 4 oyuna 10 xal toplamalarına baxmayaraq, yoldaşlıq matçına arxayın çıxmaq olmaz. Xorvatiyalı mütəxəssisin fikrincə, millimizlə qarşılaşmaya peşəkarcasına yanaşmaq lazımdır: “Azərbaycan yığması yaxşı futbolçulara malikdir. Biz eyni tempdə davam etməliyik”.

Qeyd edək ki, Çernoqoriya və Azərbaycan yığmaları arasında yoldaşlıq görüşü noyabrın 17-də Podqoritsa şəhər stadionunda keçiriləcək. Oyun Bakı vaxtı ilə saat 16:00-da başlanacaq.

• Yaponiya millisinin üzvü “Arsenal”ın hədəfində
• Sabiq “Qalatasaray”lı Niderland klubunun radarında
• "Beşiktaş"da 10 itki birdən: Heyətin yarısı matçı buraxacaq
• "Arsenal"da ciddi itki: İKİ AY YAŞIL MEYDANLARDAN KƏNAR QALACAQ
• "Qarabağ"ın rəqibində yeni müqavilə