Voleybol üzrə Çempionlar Liqasının III turunda “Dinamo” – “Fənərbaxça” oyunu Azərbaycan yığmasının kapitanı Oksana Parxomenko üçün əlamətdar olub. Apasport.az saytının məlumatına görə, həmyerlimiz “sarı-lacivərdlilər”i Moskvada 3:0 (25:21, 25:16, 25:17) hesabı ilə məğlub edən paytaxt komandasının ən yaxşısı seçilib.

Toppaylayıcımız ilk dövrəni məğlubiyyətsiz başa vuran “Dinamo”ya 5 xal qazandırsa da, hücumların təşkilində gözəl oyun nümayiş etdirdiyi üçün fərqlənib.

Parxomenko qarşılaşmadan sonra qələbə qazandıqları üçün xoşbəxt olduqlarını bildirib: “Biz artıq 3 oyunu qələbə ilə başa vurduq. Çalışacağıq ki, bu uğuru davam etdirək”.

Qeyd edək ki, Parxomenko “Fənərbaxça”da da legioner həyatı yaşayıb.

• Liqa 1: “Marsel”dən inamlı qələbə
• Premyer Liqa: "Arsenal"dan kritik xal itkisi, "Çelsi"dən darmadağın
• Turin derbisində qalib müəyyənləşmədi, "Milan"dan xal itkisi
• Bundesliqa: "Bayer"dən darmadağın, "Bavariya" xal itirdi
• La Liqada "Atletiko" qələbə qazandı, “Real Sosyedad” xal itirdi