Türkiyə yığmasının futbolçusu Sərvət Çətinin “Qalatasaray” klubundan gedişi reallaşır. Apasport.az saytının məlumatına görə, “Cim Bom” xeyli vaxtdır vidalaşmaq fikrində olduğu müdafiəçini “Bursaspor”un yarımmüdafiəçisi Volkan Şənlə dəyişdirir.

Daha doğrusu, “Qalatasaray” son çempiondan almaq istədiyi 23 yaşlı Volkanın keçidində transfer məbləğinin müəyyən qisminin müqabilində Sərvəti verəcək.

“Buraspor”un yetirməsi olan 1,73 m boylu Şən 2007/08 mövsümündə yığmaya çağırılıb. Çətin isə 2007-ci ildən “Qalatasaray”da oynayır. 1981-ci ilin martın 17-də İğdırda anadan olan futbolçunun əslən azərbaycanlı olması hər dəfə qeyd edirik. Türk həmkarlarımız da Sərvətin azəri köklərinin olduğunu yazmaqla, bizə bağlılığını təsdiqləyiblər.

• Türkiyənin tanınmış klubu III Liqaya düşüb
• Ter Ştegen qərarını verib
• Tanınmış məşqçi vəfat edib
• İtaliya nəhəngləri “Lids”in qapıçısı üçün yarışır
• İspan futbolçu “Barselona” yolunda