İstanbul Ceylan Beynəlxalq Mərkəzində Türkiyənin ən böyük informasiya agentliklərindən olan “Spor Ajans”ın “İlin idman adamları” beynəlxalq mükafatlandırma mərasimi keçirilib. Apasport.az saytının xəbərinə görə, tədbirdə "Bursaspor" futbol klubunun prezidenti İbrahim Yazıcı, baş məşqçisi Ərtoğrul Sağlam, İstanbul şəhərinin meri Kadir Topbaş, Bursa, Kayseri və Ceylanın bələdiyyə başçıları, İran Futbol Federasiyasının prezidenti Əli Kafaşian, məşhur basketbolçu Allen Ayverson, eləcə də tanınmış futbolçular – hollandiyalı Pyer Van Hoydonk, Oktay Derelioğlu, Ogün Temizkanoğlu, eləcə də Türkiyənin tanınmış idman yazarları, jurnalistləri iştirak ediblər.

"Spor Ajans" informasiya agentliyinin qərarına əsasən, Azərbaycan Futbol Federasiyaları Assosiasiyasının prezidenti Rövnəq Abdullayev "Şərəf mükafatı"na, "Neftçi" PFK-nın prezidenti Sadıq Sadıqov isə "Avropada ilin klub prezidenti" mükafatına layiq görülüb. Hər iki mükafatı Sadıq Sadıqova "Bursaspor" klubunun baş məşqçisi Ərtoğrul Sağlam təqdim edib.

Qeyd edək ki, LİG TV-nin lentə aldığı "I Uluslararası Spor Ajans Spor Adamları Ödül Gecəsi"ndə "Neftçi" PFK-nın Mətbuat və İctimaiyyətlə Əlaqələr Departamentinin rəisi Elnur Əşrəfoğlu da iştirak edib.

• Tanınmış məşqçi vəfat edib
• İtaliya nəhəngləri “Lids”in qapıçısı üçün yarışır
• İspan futbolçu “Barselona” yolunda
• İbrahimoviçin oğlu ilk peşəkar müqaviləsini imzalayıb
• Eçeverrinin Almaniya macərası qısa çəkdi