“Qəbələ” klubunun 3 ay davam edən uğurlu seriyası qırıldı. Apasport.az saytının məlumatına görə, bu, milli çempionatımızın hazırda keçirilən XIX turunda “Bakı” ilə ev oyununda reallaşdı – 0:1.

Toni Adamsın çalışdırdığı komanda bunadək ölkə kubokunu da nəzərə alsaq, 13 oyundur uduzmurdu. Bunlardan 12-si çempionatda olmuşdu. Qəbələlilər sonuncu dəfə VI turda, sentyabrın 19-da evdə “İnter”ə də 0:1 hesabı ilə yenilmişdi. Bununla da onlar 96 gündən sonra meydanı məğlub tərk etdilər.

“Bakı”nın braziliyalı futbolçusu Jaba “Qəbələ”nin qəniminə çevrilib. Belə ki, hücumçu I dövrədə evdə 2:1 hesabı ilə qalib gəldikləri oyunda da qələbə topunu vurmuşdu.

Qeyd edək ki, “Qəbələ”nin son 2 turda qələbə üzünə həsrət qalması azmış kimi, seriyaları da bitir. Komandanın latviyalı qapıçısı Pavel Doroşevin “quru seriya”sı ötən tur AZAL-la səfər oyununda 952-ci dəqiqədə qırıldı.

• Türkiyə futbolunda mərc skandalı - “Trabzonspor”un prezidenti də siyahıda
• “Roma” Messinin vida matçına iki futbolçusunu buraxmadı
• “Tottenhem” və “Aston Villa” 20 yaşlı argentinalının izində
• “Qalatasaray” milli fasilədə yoxlama matçı keçirəcək
• De Xea “Mançester Siti”yə yenə söz atdı: “Deməli, yenidən danışırıq...”