Azərbaycan millisinin kapitanı Rəşad Sadıqov yenidən Türkiyəyə yollanır. Bu haqda apasport.az saytına futbolçunun özü məlumat verib.

“Qarabağ”ın müdafiəçisi bildirib ki, İstanbulda növbəti dəfə cərrahiyyə əməliyyatı ediləcək: “Qasıq nahiyəmdə ağrılardan çox əziyyət çəkirdim. İnşallah, dekabrın 23-də həmin əməliyyat üçün Türkiyəyə gedirəm. Zədəmi sağaldıb, gələn ilə daha yaxşı hazırlaşmaq istəyirəm”.

Sadıqov 2012-ci ili vətəndə qarşılaya bilməyəcək: “Yeni ili Türkiyəyə qarşılayacağam. Çünki əməliyyata görə 2 həftə orada olmalıyam. Qasıq nahiyəmdə çox ağrılar olurdu, artıq 1 ildir mənə əziyyət verirdi. Əməliyyat lazım idi, sadəcə, buna vaxt yox idi. Birtəhər yola verirdim. Ancaq indi fasilədir və gedib, tam sağalmaq istəyirəm”.

Mehman SÜLEYMANOV

• "Beşiktaş" gözünü kuboka dikib: "Qartallar" yarımfinalda
• “Real”da daha bir itki: Arda Gülerdən sonra o da…
• Türkiyə Kuboku: "Trabzonspor" yarımfinalda
• Premyer Liqa klubunda yeni müqavilə - RƏSMİ
• "Mançester Yunayted"ə şərt qoyuldu: 125 MİLYON VER, TRANSFERİ TAMAMLA