“Qarabağ” klubunun qış hazırlıq planına aydınlıq gəlib. Apasport.az-ın məlumatına görə, klubun rəsmi saytı komandanın Türkiyə toplanışı zamanı məskunlaşacağı məkan və yoxlama oyunlarındakı rəqiblərin adlarını açıqlayıb.

Yanvarın 10-da yığışacaq komanda 5 gün Bakıda məşq edəcək. Yanvarın 15-də isə Qurban Qurbanov və yetirmələri Türkiyəyə təlim-məşq toplanışına yollanacaq. “Qarabağ” Antalyanın Bələk bölgəsində yerləşən “Arkadia Limak” otelində məskunlaşacaq.

Fevralın 4-dək qonşu ölkədə qalacaq Ağdam təmsilçisi bu müddətdə 5 yoxlama oyunu keçirməyi planlaşdırır. “Qarabağ” yanvarın 21, 25, 27, 31-də və fevralın 3-də hazırlıq maçı oynayacaq. Artıq ilk 2 rəqib bəllidir. Yanvarın 21-də ağdamlılar Qazaxıstan Superliqa təmsilçisi “Taraz”la qarşılaşacaq.

25-də isə rəqib Avstriyanın “Rid” komandası olacaq. Avstriyalılarla oyunun keçirilmə vaxtı da məlumdur. Görüş yerli vaxtla 15:15-ə planlaşdırılıb. Digər rəqiblərinin kimliyinə yaxın günlərdə aydınlıq gələcək.

• De Liqt məşqlərə start verdi
• "Yunayted"in Baleba arzusu baş tutmadı: "BRAYTON"UN TƏLƏBİ YÜKSƏKDİR
• “Trabzonspor” Onananın əvəzedicisini tapdı
• La Liqada ayın ən yaxşı məqşçisi bəlli olub
• “Benfika”nın futbolçusu UEFA tərəfindən 6 oyunluq CƏZALANDIRILIB