“Oyuna yaxşı köklənmişdik. Xüsusən müdafiədə daha diqqətli olmalıydıq”. Apasport.az saytının məlumatına görə, bunu futzal üzrə Özbəkistan milli komandasının baş məşqçisi Joze Maria Pazos Mendez deyib.

Bakı Beynəlxalq Futzal Turnirində Ukraynaya 1:2 hesabı ilə uduzan və yarışı sonuncu pillədə başa vuran asiyalıların braziliyalı çalışdırıcısı məğlubiyyətdə bəxtsizlikdən gileylənib: “Ukrayna yığmasının oyunlarını izləmişdik. Çox sürətli oynayırlar. İlk növbədə bunun qarşısını almalıydıq. Oyun ərzində yol verdiyimiz 2 səhv qolla nəticələndi. Hesabı bərabərləşdirməyə dirəklər imkan vermədi”.

Qeyd edək ki, Ukrayna futzalçıları bu oyundan öncə çempionluqlarını təmin etmişdilər.

• Ranyeri “Roma”dan ayrıldı
• Günün canlı yayımlanacaq matçları - TV AFİŞA
• "Real" son dəqiqədə xal itirdi: Çempionluq gedir
• "Napoli"dən qələbə: 2-ci yerə yüksəldilər
• "Bavariya"da Noyerin taleyinə aydınlıq gəldi