“Neftçi” II Bundesliqa klubuna uduzdu

17.01.2012 - 19:20

Türkiyənin Antalya şəhərində təlim-məşq toplanışında olan "Neftçi" hazırlıq prosesinin ilk mərhələsində bu gün ilk yoxlama oyununu keçirəcək. Apasport.az saytının məlumatına görə, Böyükağa Hacıyevin yetirmələri Almaniyanın “Dinamo” klubu ilə görüşəcək. Vaxtilə 8 dəfə ADR çempionu olub, 7 dəfə kubok qazanan Drezden təmsilçisi indi yaxşı günlərini yaşamır. Ralf Loosun yetirmələri II Bundesliqada 18 komanda arasında 11-ci yerdə qərarlaşıb. Aşağı dəstə təmsilçisinin hesabında 19 oyuna 22 xal var. Azərbaycan çempionunun oyunu Bakı vaxtı ilə saat 17:30-da başlayacaq.

“NEFTÇİ” (AZƏRBAYCAN) – “DİNAMO” (DREZDEN, ALMANİYA) -0:1
QOL: Marvin Knol, 66

"Neftçi" - Saşa Stamenkoviç, Ruslan Əmircanov, İqor Mitreski, Ruslan Abışov, Rail Məlikov, Mirhüseyn Seyidov, Denis Silva, Slavço Georgiyevski, Flavinyo, Rəşad Abdullayev, Bahodir Nasimov.

"Dinamo" - Şeyk Queye,Romayn Bregeri,Filip Troyan,Pavel Fort, Maik Kegel, İoannis Papadopulos, Zlatko Dedic, Robert Kox, Sebastian Şuppan, Volfqanq Hesl, Toni Leystner.

Oyun başlandı...
İlk dəqiqələr "Neftçi"nin üstünlüyü şəraitində keçir
8-ci dəq. Matçda hələ ki, təhlükəli vəziyyət yaranmayıb, amma Flaqman topu daha çox nəzarətdə saxlayır.
17-ci dəq. Mübarizə meydanın mərkəzində davam edir.
22-ci dəq.Rəşad Abdullayev qapıçı ilə təkbətək çıxsa da, hakim bu epizodda oyundan kənar vəziyyət qeydə alır
25-ci dəq.Rəqib "Dinamo" əsasən əks hücumlara bel bağlayır.
30-cu dəq.Yenidən Rəşad Abdullayev rəqibə çətin anlar yaşatdı.Məhz onun cərimə zərbəsindən sonra rəqib qapıçı təhlükəni sovuşdurdu.
37-ci dəq."Neftçi"nin heyətində İqor Mitreskiyə sarı vərəqə göstərilir.

İlk hissə başa çatdı, hesab açılmayıb - 0:0

İkinci hissə başladı

"Neftçi"nin heyətində dəyişikliklər edilib. Meydana Emil Mpenza, Emin Mehdiyev və Elvin Yunuszadə daxil olub.
47-ci dəq. Meydana ikinci hissədə daxil olmuş Emin Mehdiyevin zərbəsi qapı tirinin üstündən keçdi.
60-cı dəq. Slavço Georgiyevski Cavid İmamverdiyevlə əvəzlənir.
66-ci dəqiqədə almanlar hesabı açırlar - 0:1. İkinci hissədə meydana çıxan Knol fərqlənir.
75-ci dəq. "Neftçi"nin heyətində daha 2 dəyişklik edilir. Antalya təlimlərinə əvəzedici komandadan çağırılmış Elnur Soltanlı və Kənan Manaflı oyuna daxil olur.
85-ci dəq.Elvin Yunuszadəyə sarı vərəqə göstərilir.

Oyun başa çatdı