“Hazırlıqlara çox yaxşı start verdik və hər şey gözəl davam edir. İlk iki hazırlıq matçında məğlub olsaq da, komanda inamlı təsir bağışladı. Qarşıda daha 3 oyunumuz var. Bu səhvlərimizi görmək üçün gözəl şansdır”. Apasport.az saytının məlumatına görə, bu sözləri “Qəbələ”nin futbolçusu Abdulkader Kamara deyib.

Komandasının tarixinə ən çox oyun keçirən futbolçu kimi düşən qvineyalı klubun rəsmi saytına açıqlama verib. O. Antalyadakı ahzırlığı və mövsümçün 2-ci hissəsi haqda düşüncələrini bölüşüb: “Kamanan da komandaya qoşulduqdan sonra heyətimiz biraz da güclənib. Mən zədəmi yenicə sağaltmışam və yavaş-yavaş formaya düşürəm. İnanıram ki, yaxın vaxtlarda məni də meydançada tam hazır vəziyyətdə görəcəksiniz. O ki qaldı komandanın indiki hazırlıq durumuna buraya gəldiyimiz ilk günlə müqayisədə böyük fərq var”.

Kamara yarım il əvvəl komandaya gələn Viktor Mendi və yeni transfer Yannik Kamanan haqda da danışıb: “Onlar mənim qardaşlarımdı. Yaxın münasibətlərimiz var. Bizə 3 qardaş da deyə bilərsiniz”.

• Daha bir futbolçu dünya çempionatını buraxacaq
• İspaniya futbolunda qalmaqal: Qapıçı rəqibinə yumruq atdı - VİDEO
• "Fənərbaxça"nın qolkiperi: "Üzr istəyirəm"
• Günün oyunları bu kanallarda - TV AFİŞA
• Günün derbiləri bu kanallarda - TV AFİŞA