“Xəzər Lənkəran”ın sabiq futbolçusu Dieqo Ruis özünə yeni komanda tapıb. Apasport.az saytının məlumatına görə, argentinalı hücumçu Çili Primerasında çıxış edəcək. O, bu ölkənin “Antofaqasta” klubu ilə anlaşıb. 32 yaşlı futbolçu əvvəllər də Çilidə oynayıb. O, vaxtilə “Kobresal”ın şərəfini qoruyub.

Qeyd edək ki, 2010/11 mövsümünün əvvəlində “Xəzər Lənkəran”a transfer olunan argentinalı “Neftçi” ilə Lənkərandakı oyunda meydana sonradan daxil olmaqla qələbə topunu vurmaqla yadda qalmışdı. Lakin həmin 1:0 hesablı qələbədən sonra Ruis klubdan qovuldu. Onun son komandası isə Rumıniyada “Tırqu Mureş” olmuşdu.

• Kamavinqa getmək istəmir: MÜBARİZƏ APARACAQ
• Modriç mövsümü erkən başa vurdu
• "Real"da ciddi itki: MBAPPE SIRADAN ÇIXDI
• Daha bir futbolçu dünya çempionatını buraxacaq
• İspaniya futbolunda qalmaqal: Qapıçı rəqibinə yumruq atdı - VİDEO