Azərbaycan milli komandası bu gün start götürən futzal üzrə Avropa çempionatının final mərhələsində ilk oyununu sabah keçirəcək. Apasport.az saytının məlumatına görə, Portuqaliya ilə qarşılaşma yığmamızın qitə çempionatlarında 31-ci qarşılaşması olacaq. Belə ki, bütün Avropa çempionatlarında – 8 dəfə seçmə mərhələdə iştirak edib, yalnız 2-ci dəfə final mərhələsinə yüksələn milimiz bu müddətdə 30 oyun keçirib.

Arxada qalan oyunlarda 11 qələbə və 11 məğlubiyyəti olan yığmamız bu tarazlığı Xorvatiyadakı turnirdə öz xeyrinə dəyişə bilər. Hesabında 8 heç-heçə olan yığmamız top fərqindəki geriliyi də aradan qaldıra bilər. Hər halda bunun üçün cəmi 1 qol kifayətdir.

Qitə birinciliklərində sayca 10-cu – yubiley turnirinə qatılacaq Azərbaycan futzalçıları 4-cü dəfə Joze Alesio da Silva ilə yarışa başlayacaq. Əvvəlki 3 turnirin hər birində istisnasız 2 qələbə qazanan braziliyalının yetirmələri bu ənənəni davam etdirmək üçünb ən azı qrupdan çıxmalıdır.

Millimiz daha 1 uğurlu seriyanı davam etdirməyə çalışacaq. Belə ki, yığmamız ardıcıl 15 oyundur ki, 3-dən az qol vurmur. 2005-ci il yanvarın 28-də Serbiya ilə seçmə oyununda 1:2 hesabı ilə uduzan komandamız sonrakı bütün Avropa çempionatı matçlarında minimum 3 qol vurur.

Milli komandamız AÇ-lərdə

N	il	bizimkilər	Baş məşqçi	KOMANDA	YER	O	Q	H	M	TOP	X
1	1996	seçmə mərhələ (Hollandiya), 1-ci qrup	Əbdülqəni Nurməmmədov	6	VI	5	1	0	4	12-25	3
2	1999	seçmə mərhələ (Belçika), 2-ci qrup	Hacibala Abdullayev	3	II	2	0	2	0	4-4	2
3	2001	seçmə mərhələ (Macarıstan), C qrupu	Hacibala Abdullayev	4	III	3	1	1	1	12-8	4
4	2003	seçmə mərhələ (Portuqaliya), 5-ci qrup	Elman Abdullayev	4	III	3	1	0	2	5-9	3
5	2005	seçmə mərhələ (Serbiya), 5-ci qrup	Fazil Qarayev	4	III	3	1	0	2	8-10	3
6	2007	seçmə mərhələ (Hollandiya). D qrupu	Baba Əsgərov	4	II	3	1	2	0	17-12	5
7	2010	seçmə mərhələ (Portuqaliya), 6-cı qrup	Joze Alesio da Silva	4	II	3	2	1	0	12-7	7
		final mərhələsi (Macarıstan), A qrupu	Joze Alesio da Silva	12	IV	5	2	2	1	17-13	8
8	2012	seçmə mərhələ (Azərbaycan), 1-ci qrup	Joze Alesio da Silva	4	II	3	2	0	1	13-13	6
		final mərhələsi (Xorvatiya), D qrupu	Joze Alesio da Silva
		Cəmi				30	11	8	11	100-101	41

• "Real"ın futbolçusu əməliyyat olunacaq
• Kamavinqa getmək istəmir: MÜBARİZƏ APARACAQ
• Modriç mövsümü erkən başa vurdu
• "Real"da ciddi itki: MBAPPE SIRADAN ÇIXDI
• Daha bir futbolçu dünya çempionatını buraxacaq