“Neftçi”nin Çeçenistan Respublikasının ilk prezidenti Əhməd Kadırovun xatirəsinə həsr olunmuş beynəlxalq turnirdə üçüncü oyununun vaxtı dəyişdirilib. Apasport.az-ın klubun rəsmi saytına istinadən məlumatına görə, sabah baş tutacaq Özbəkistanın “Paxtakor” klubu ilə matç əvvəlcədən nəzərdə tutulduğu kimi Bakı vaxtı ilə saat 13:00-da deyil, 17:00-da start götürəcək.

Təşkilatçıların oyun saatını dəyişməsinə səbəb komandaların hamısının eyni xal toplamasıdır. Bununla da son turun görüşləri eyni vaxtda başlanacaq.

Qeyd edək ki, turnirdəki ilk qarşılaşmasında Ukraynanın “Metallist” klubuna 1:3 hesabı ilə uduzan “Neftçi” daha sonra eyni hesabla Polşanın “Poloniya” komandasına qalib gəlib.

• "Real"ın futbolçusu əməliyyat olunacaq
• Kamavinqa getmək istəmir: MÜBARİZƏ APARACAQ
• Modriç mövsümü erkən başa vurdu
• "Real"da ciddi itki: MBAPPE SIRADAN ÇIXDI
• Daha bir futbolçu dünya çempionatını buraxacaq