Futzal üzrə Avropa çempionatında qrup mərhələsinə yekun vurulub. Apasport.az saytının məlumatına görə, C və D qruplarında sonuncu – III turun oyunları baş tutub.

Azərbaycan milli komandasının yer aldığı və ilk 2 oyunu uduzduqdan sonra mübarizəni dayandırdığı D qrupunda I yer uğrunda həlledici matçda Portuqaliya və Serbiya üz-üzə gəlib.

Pireneylilər qalib gələrək, 1/4 finala I yerin sahibi kimi çıxıblar – 2:1. C qrupunda isə iddialıların qarşılaşması heç-heçə başa çatıb. Lakin 2:2 hesablı heç-heçə Rusiyanı I, İtaliyanı II pillədə saxlayıb.

C qrupu
İtaliya – Rusiya – 2:2
Turnir cədvəli: Rusiya, İtaliya – 4, Türkiyə - 0

D qrupu
Portuqaliya – Serbiya – 2:1
Turnir cədvəli: Portuqaliya – 6, Serbiya – 3, Azərbaycan – 0

Bununla, 1/4 final cütlərinin tam tərkibi müəyyənləşib. Bu gün Rumıniya – İspaniya və Xorvatiya – Ukrayna, sabah isə Rusiya – Serbiya, İtaliya – Portuqaliya cütləri üz-üzə gələcək.

• Cerrard üçün yeni variant: İNGİLTƏRƏ KLUBU
• "Mançester Siti" onunla yolları ayırmağı planlaşdırır
• Hökumət sözçüsü: İran Dünya Çempionatında iştirak edəcək
• "Mançester Yunayted"dən vacib qələbə - 3-cü pillə
• Çalhanoğlu üçün mövsüm başa çatdı: "İNTER"Ə AĞIR ZƏRBƏ