Bu il Tailandda keçiriləcək dünya çempionatının pley-off mərhələsində Rusiya yığması ilə qarşılaşacaq Azərbaycan milli komandası əvvəllər də bu rəqiblə görüşüb. Apasport.az saytının məlumatına görə, rəqiblər tarixlərində 1 dəfə üz-üzə gəliblər.

2004-cü il yanvarın 27-də Serbiyanın Zrenyanın şəhərində baş tutan matç Avro-2005-in seçmə mərhələsi çərçivəsində gerçəkləşib. Serbiyada baş tutan 8 il əvvəlki matçda darmadağın qeydə alınıb. Rusiyalılar millimizi 5:0 hesabı ilə məğlub ediblər.

Həmin vaxt Elman Ələkbərovun rəhbərlik etdiyi yığmanın heyətində darmadağın görənlərdən biri indi də milli forma geyən Rəcəb Fərəczadə olub. Rusiyalılarda qapıçı Sergey Zuyev, 5 qoldan 2-nin müəllifi Konstantin Mayevski yenə milli forma geyir. Darmadağındakı digər qollardan 2-ni Vyaçeslav Moskalenko, 1-ni Denis Abışov vurub.

• Domeniko Tedesko: "Müqavilənin uzadılması ilə bağlı danışıqlar aparırdıq..."
• "Siti" açıqladı: STOUNZLA YOLLAR AYRILACAQ
• "Fənər" Edersonla bağlı qərarını verdi
• Mourinyo "Real"a qayıdır?
• "Fənərbaxça"nın Tedeskoya ödəyəcəyi məbləğ bəlli olub