“Xəzər Lənkəran” AZAL-la dueldə aşkar üstünlüyə malikdir

14.02.2012 - 12:11

Azərbaycan Premyer Liqasının XX turunda “Xəzər Lənkəran” AZAL arasında yubiley oyun olacaq. Apasport.az saytının məlumatına görə, Lənkərandakı sabahkı matç komandalar arasında 20-ci görüş kimi tarixə düşəcək. Rəqiblər indiyədək 15 dəfə çempionatda, 4 dəfə Azərbaycan kubokunda üz-üzə gəlib.

Arxada qalan 19 oyunda “Xəzər Lənkəran”ın üstünlüyü aşkardır. Belə ki, çempionatdakı 15 matçda 10 qələbə qazanan komanda 3 heç-heçə edib və cəmi 2 dəfə uduzub. Lənkəranlılar top fərqində rəqibindən az qala 3 dəfə artıq qol vurub – 20:7. Ölkə kubokundakı hər 2 dueldə mərhələ adlayan “Xəzər Lənkəran” olub. Buradakı 4 oyunda hesabında 2 qələbə, 1 heç-heçə və 1 məğlubiyyət olan cənub klubu 5 qol vurub, 3-ü buraxıb.

Bir sözlə, 20-ci duelə qədər “Xəzər Lənkəran” 12 qələbə qazanıbsa, AZAL-ın cəmi 3 uğuru var. 4 dəfə heç-heçə edən rəqiblərin görüşlərində lənkəranlılar 25, bakılılar 10 qol vurub. Cənubluların ev oyunlarında isə bu üstünlük daha böyükdür. Lənkərandakı 9 matçdan 7-də qalib gələn meydan sahibləri qonaqlara uduzmayaraq, 2 xal verib. Paytaxt təmsilçisinin qapısından öz meydanında 15 top keçirən “Xəzər Lənkəran” 5 qol buraxıb.

2005/06	12.08.2005	çempionat	Olimpik (Bakı)	səfərdə	2:0
2005/06	12.02.2006	çempionat	Olimpik (Bakı)	evdə	1:0
2006/07	17.09.2006	çempionat	Olimpik (Bakı)	səfərdə	2:1
2006/07	27.04.2007	çempionat	Olimpik (Bakı)	evdə	3:2
2007/08	25.11.2007	çempionat	Olimpik (Bakı)	səfərdə	0:0
2007/08	06.03.2008	kubok, ¼ final	Olimpik (Bakı)	səfərdə	0:1
2007/08	20.03.2008	kubok, ¼ final	Olimpik (Bakı)	evdə	2:0
2007/08	17.05.2008	çempionat	Olimpik (Bakı)	evdə	0:0
2008/09	20.09.2008	çempionat	Olimpik (Bakı)	səfərdə	1:0
2008/09	14.03.2009	çempionat	Olimpik (Bakı)	evdə	0:0
2009/10	21.10.2009	çempionat	Olimpik-Şüvəlan (Bakı)	səfərdə	0:1
2009/10	10.12.2009	çempionat	Olimpik-Şüvəlan (Bakı)	evdə	2:1
2009/10	27.04.2010	kubok, ½ final	Olimpik-Şüvəlan (Bakı)	səfərdə	1:1
2009/10	05.05.2010	kubok, ½ final	Olimpik-Şüvəlan (Bakı)	evdə	2:1
2010/11	29.08.2010	çempionat	AZAL (Bakı)	səfərdə	1:0
2010/11	20.02.2011	çempionat	AZAL (Bakı)	evdə	2:1
2010/11	13.03.2011	çempionat	AZAL (Bakı)	səfərdə	0:1
2010/11	23.04.2011	çempionat	AZAL (Bakı)	evdə	3:0
2011/12	14.08.2011	çempionat	AZAL (Bakı)	səfərdə	3:0