“Bakı” klubunun baş məşqçisi Aleksandr Starkov eyni vaxtda çalışdırdığı Latviya yığmasının heyətini açıqlayıb. Apasport.az saytının məlumatına görə, Baltikyanı ölkə təmsilçisi fevralın 26-29-da Türkiyənin Antalya şəhərində keçiriləcək təlim-məşq toplanışına 21 futbolçu ilə yollanacaq.

Ayın 29-da baş tutacaq Qazaxıstanla yoxlama oyununda forma geyməyə namizədlər arasında Azərbaycan Premyer Liqasının 3 futbolçusu da var. Bunlar “Qəbələ”nin qapıçısı Pavel Doroşev, “Bakı”nın müdafiəçisi Denis İvanov və “Simurq”un orta sahə oyunçusu Andrey Rubindir. Sonuncunun komanda yoldaşı – “Simurq”un yeni transferi İqor Tarasov və “Bakı”da çıxış edən Maris Verpakovski isə Starkova lazım olmayıb.

• Sarı vərəqə limiti aradan qaldırılır? - FIFA-dan yeni qərar
• Braziliya millisinin üzvü əməliyyat olunub
• “Fənərbaxça” 6 futbolçu ilə yollarını ayıracaq: TEDESKOYA GÖRƏ
• "Yunayted"də yeni müqavilə
• Portuqaliya millisinin üzvü "Liverpul"un hədəfində