Bir dön bizim “Bakı”ya bax...

16.02.2012 - 00:01

“Bakı” Azərbaycan çempionatları tarixində 25-ci dəfə böyük hesabla uduzub. Apasport.az saytının məlumatına görə, Premyer Liqanın XX turunda “Qarabağ”dan 3 cavabsız qol buraxan paytaxt təmsilçisi bu darmadağınadək, 24 ağır yenilgi almışdı.

Müxtəlif vaxtlarda “Polis Akademiyası”, “Dinamo”, “Dinamo-Bakılı” adlarını daşımış klub cari mövsümdə artıq 3-cü dəfədir darmadağın olub. IV turda öz meydanında “Kəpəz”ə, 2011-ci ilin son oyunu olan XVIII turda isə “Xəzər Lənkəran”a 0:3 hesabı ilə yenilən “zolaqlılar” ardıcıl 2-ci dəfə darmadağın görüb. 56 gündən sonra yenə böyük hesabla uduzan bakılılar Aleksandr Starkovun rəhbərliyi altında 3-cü darmadağınla üzləşiblər.

1996/97 - 5
1997/98 - 1
1998/99 - 1
2000/01 - 1
2001/02 - 7
2003/04 - 3
2007/08 - 1
2008/09 - 2
2009/10 - 1
2011/12 - 3
Cəmi 25

“Bakı” adı altında 7 dəfə darmadağın alan klub daha çox öz meydanında üzülüb. Onlar 4-cü dəfədir ki, evdə belə acınacaqlı duruma düşürlər. Ən çox isə “Xəzər Lənkəran” bakılılara zərbə vurub – 3 dəfə.

30.09.2007 Olimpik (Bakı) - Bakı - 3:0
21.09.2008 Bakı - Karvan (Yevlax) - 0:3
18.04.2009 Xəzər Lənkəran - Bakı - 3:0
29.11.2009 Bakı - Xəzər Lənkəran - 0:3
27.08.2011 Bakı - Kəpəz - 0:3
21.12.2011 Xəzər Lənkəran - Bakı - 3:0
15.02.2012 Bakı – Qarabağ (Ağdam) – 0:3

Qeyd edək ki, bu darmadağın “Bakı”nın təlim-məşq toplanışında aldığı ilk məğlubiyyətdir.