Bu gün keçirilən 3 oyunla Premyer Liqamızda XX tura yekun vurulub. Apasport.az saytının məlumatına görə, ilk oyun günündə olduğu kimi, 3 matçdan 1-i meydan sahibinin, 2-si qonaqların qələbəsi ilə yekunlaşıb. “İnter”lə “Qəbələ” son dəqiqələrdə vurduğu yeganə qollarla çətin qələbə qazanıb. Nəticədə “bankirlər” turnir cədvəlində 2-ci pilləni qaytararaq, “Xəzər Lənkəran”ı yenidən 3-cü yerdə qərarlaşdırıb. “Qəbələ” isə turnir cədvəlində qonşusu olan “Bakı” ilə xallarını artıq bərabərləşdirib. Sadəcə, qəbələlilər şəxsi oyunlarda “zolaqlılar”dan geri qaldığından (evdə 0:0, səfərdə 1:2), 6-cı pillədə qalıb.

“Turan” isə növbəti məğlubiyyətini Bakıda alıb. Nəticədə “Rəvan” 7-ci pilləni AZAL-ın əlindən alaraq, “altılıq” mübarizəsində iddiasını davam etdirir. “Simurq”la “Kəpəz”in isə ev məğlubiyyətlərindən sonra bu şanslarını birdəfəlik itirməyi artıq rəsmiləşib.

15 fevral

"Xəzər Lənkəran" – AZAL - 1:0
QOL: Rahid Əmirquliyev, 74
Hakimlər: Fariz Yusifov, Elman Musayev, Vaqif Musayev, Teymur Fərhadov
Lənkəran. Şəhər mərkəzi stadionu
İlk dövrədəki oyun – 3:0
“Xəzər Lənkəran” - Kamran Ağayev, Elnur Allahverdiyev, Elvin Beçiri, Katalin Doman, Eder Bonfim, Branimir Subaşiç, Elnur Abdullayev, Andrey Mureşan, Rahid Əmirquliyev, Adrian Pit, Antoni Semedo,
AZAL - Cahangir Həsənzadə, Robert Petrov, Usim Nduka, Aqil Nəbiyev, Ervin Bulku, Elşən Məmmədov, Nuqzar Kvirtiya,Georgi Bogihu, Bronislav Arseniyeviç, Viktor İqbekoyi, Tales Şütz

Oyun başlandı.
AZAL 1-ci dəqiqədə hesabı aça bilərdi. Kamran zədə hesabına topun qapıdan keçməsinə imkan vermir.
“Xəzər Lənkəran” sağ cinahdan künc zərbəsi vurur.
İlk sarı vərəqə. Yusifov Piti cəzalandırır.
“Xəzər Lənkəran”ın hücumu təhlükəli alındı. Ederin zərbəsi qapının üstündən keçdi
Həsənzadə Rahidin qüvvətli zərbəsini tutur
AZAL meydan sahiblərini əks-hücumda yaxalayır. Amma Şützün zərbəsini Kamran kornerə çıxarır
Pitin zərbəsi qapı tirinə dəyib meydandan çıxır
Şütz sarı vərəqə alır
Kamran Şützün başla zərbəsini çətinliklə dəf edir
Komandalar fasiləyə çıxır
Domanın cərimə zərbəsini Həsənzadə kornerə çıxardı
Elnur Abdullayev Roberto Alvizlə əvəzlənir
Meydan sahiblərinin növbəti şansı. Amma Həsənzadə topun qapıdan keçməsinə imkan vermir
AZAL hesabı açmağa yaxın olur. Şütsün zərbəsini Kamran iki həmləyə tutur.
Alvizin ideal ötürməsini qəbul edən Əmirquliyev qapıçını da aldadıb, tora qovuşdurur - 1:0
AZAL hesabı açmağa yaxın olur. Şütsün zərbəsini Kamran iki həmləyə tutur.
Kamran Bulkunun zərbəsini dəf edir.
Künc zərbəsindən sonra “Xəzər Lənkəran”ın qapısı qarşısında qalmaqal düşür.

Oyun başa çatdı

"Sumqayıt" - "Neftçi" - 0:3
QOLLAR: Flavinyo, 45, Nasimov, 50; 84
Hakimlər: Anar Salmanov, Rza Məmmədov, Yaşar Abbasov, Fuad Həsənov
Bakı. "Şəfa" stadionu
İlk dövrədəki oyun – 0:4
"Sumqayıt" - Andrey Popoviç, Tərlan Quliyev, Timur İsrafilov, Ruslan Tağızadə, Bədavi Hüseynov, Samir Abbasov, Abdulla Abatsiyev, Uğur Pamuk, Eşqin Quiyev, Ramil Həşimzadə, Kamil Nurəhmədov
"Neftçi" - Rauf Mehdiyev, Ruslan Abışov, Rail Məlikov, Elvin Yunuszadə, Alessandro Viana da Silva, Denis Silva, Slavço Georgiyevski, Mirhüseyn Seyidov, Rəşad Abdullayev, Flavinyo, Bahadur Nasimov

İlk dəqiqələr "Neftçi"nin üstünlüyü şəraitində keçir
Mirhüseyn Seyidovun zərbəsini qapıçı tutur
Rəşad Abdullayev, Andrey Popoviçlə təkbətək çıxsa da zərbəsi qeyri-dəqiq alınır
Flavinyonun zərbəsi qapının üstündən keçir
“Neftçi”də məcburi əvəzetmə. Zədələnən Vyana da Silva yerini Ruslan Əmircanova verir.
Samir Abasov da zədələnir. Onu Yasin Abbasov əvəzləyir.
Kamil Nurəhmədovun zərbəsi zamanı top qapının yanından keçir
“Neftçi” real qol vəziyyətindən yararlana bilmir. Nasimov qapıçı ilə təkbətək çıxır. Amma özbəkistanlı futbolçunun zərbəsini Popoviç tutur
Mirhüseyn Seyidovun uzaq məsafədən zərbəsi qapının üstündən keçir
Sağ cinahdan Rəşad Abdullayevin ötürməsini Flavinyo tora qovuşdurur
"Neftçi" ikinci hissəyə qolla başlayır. Slavço Georgiyevskinin ötürməsindən sonra Bahodir Nasimov hesabı artırır - 0:2
Flavinyo əlverişli qol imkanı qazandı. Bu epizodda Popoviç komandasını 3-cü qoldan xilas etdi.
Müdafiəçinin səhvindən sonra Nasimov qapıçı ilə təkbətək çıxır. Amma Popoviç hesabın artmasına imkan vermir.
Nasimov dubl etməyə yaxın oldu amma bu dəfə top çərçivədən yayındı.
Flavinyonun zərbəsini Popoviç qapı xəttinin üstündə tutur.
Flavinyonun əvəzinə meydana Flaqmanın gənc yetirməsi Elşən Abdullayev daxil olur
Nasimovun zərbəsi qapı tirindən döndü
Slavço Georgiyevskinin yerinə meydana Cavid İmamverdiyev çıxır
Mirhüseyn Seyidovun ötürməsini Nasimov qola çevirir - 0:3
Nasimov het-trik edə bilərdi amma bu dəfə top azacıq qapının üstündən keçdi

Oyun başa çatdı


"Bakı" - "Qarabağ" - 0:3
QOLLAR: Əfran İsmayılov, 27 (penaltidən); Rəşad Sadiqov, 48; Georgi Adamiya, 64
Hakimlər: Əliyar Ağayev, Mehman Mahmudov, Munis Abdullayev, Feyzulla Feyzullayev
Bakı. "Bakı" klubunun təlim-məşq bazasının stadionu, təbii örtüklü meydança
İlk dövrədəki oyun – 1:2
“Bakı” - Marko Şarliya, Duje Bakoviç, Denis İvanovs, Juninyo, Lukaş Horvat, Elvin Məmmədov, Cəmşid Məhərrəmov, Nenad Kovaceviç, Şəhriyar Əliyev, Uinston Parks, Koke
“Qarabağ” - Boyan Pavloviç, Maksim Medvedyev, Rəşad Sadıqov, Admir Teli, Ansi Aqolli, Rəşad Sadiqov, Namiq Yusifov, Georgi Adamiya, Əfran İsmayılov, Bəxtiyar Soltanov, Rauf Əliyev

Oyunda ilk real qol vəziyyəti. Əfran qapıçı ilə təkbətək mübarizədə hesabı aça bilmir.
Şarliya növbəti dəfə komandasını qoldan xilas edir.
“Bakı”nın qol vurmaq cəhdi alınmır. Park oyundankənar vəziyyətə düşür.
“Qarabağ” penalti vurur. Əfranın zərbəsindən sonra hesab açıldı – 0:1
“Qarabağ” ikinci topu vurmağa yaxın olur. Adamiyanın zərbəsi dirəyə dəyir. Ardınca Sadiqovun zərbəsi qapının üstündən keçir.
Teli Parksın qapıçı ilə təkbətək çıxmasının qarşısını alır.
Rəşad Sadiqovdan möhtəşəm qol. O, künc zərbəsindən cərimə meydançası qarşısına ötürülən topu düz “doqquzluğ”a göndərir.
Parks yaxın məsafədən qapıya düşə bilmədi. Onun başla zərbəsi qeyri-dəqiq oldu.
“Qarabağ” üçüncü qolu vurur. Əfran sağ cinahdan irəliləyib, qapı qarşısında dayanan Adamiyaya ötürmə verdi. Onun zərbəsindən sonra hesab dəyişir - 0:3.
Bu qoldan sonra “Bakı” azarkeşləri baş məşqçi Aleksandr Starkovu istefaya səsləyirlər.

Oyun başa çatdı

16 fevral

"Kəpəz" - "İnter" - 0:1
QOL: Nizami Hacıyev, 89
Hakimlər: Elçin Məmmədov, Rahil Ramazanov, Namiq Hüseynov, İnqilab Məmmədov
Yevlax. Şəhər stadionu
İlk dövrədəki oyun – 0:0
"Kəpəz" Tural Abbaszadə, Əli İsmayılov, Şahin Kərimov, Azər Məmmədov(k), İon Arabadji, Pərvin Paşayev, Nikolay Svejentsev, Dmitri Parxaçov, Sabir Allahquliyev, Ceyhun Sultanov, Yuri Fomenko
"İnter" Giorgi Lomaia, Xəyal Mustafayev, Samir Zərgərov, Asif Məmmədov, Bronislav Çervenka, Petar Zlatinov, Volodimir Levin(k), Arif Daşdəmirov, Peter Chrappan, Baçana Sxadadze

Levinin başıyla endirdiyi zərbəni "Kəpəz"in müdafiəçisi boş qapıdan çıxardı
Zlatinovun ötürməsini Çervenka dəqiq qapıya göndərə bilmədi
Svejentsevin zərbəsinin dəqiq alınmasına Lomaya imkan vermədi
Zərgərovun təhlükəli zərbəsi qapının üstündən keçdi
Sultanovun zərbəsi qapıdan aralı keçdi
Zlatinovun zərbəsi təhlükəli alındı
Svejentsevə sarı vərəqə göstərildi

İkinci hissə başladı

"İnter"də ilk əvəzetmə reallaşdırıldı. Məmmədovun əvəzinə meydana Nizami Hacıyev çıxdı
Baçana fəqrlənə bilərdi. Lakin onun zərbəsinin qarşısı alındı
Zərgərovun zərbəsi qapıçının əlinə, sonra da dirəyə dəyərək meydandan çıxdı. Günc zərbəsindən ötürülən topu Baçana qapıya göndərməyə çalışsa da, rəqibin qapıçısı bu dəfə də hesabın açılmasına imkan vermədi
"Kəpəz"də ikinci oyunçu dəyişikliyi baş verdi. Zədə almış Şahin Kərimovun əvəzinə meydana Renat Sultanov çıxdı
"Kəpəz"in qapıçısı yenə də Zərgərova hesabı açmağa imkan vermədi
"İnter"də ikinci oyunçu dəyişikliyi edildi. Zlatinovu Asif Mirili əvəz etdi
"Kəpəz"də son oyunçu dəyişikliyi. Fomenkonu Junivan Sures əvəzlədi
"İnter"də son oyunçu dəyişikliyi. Xrappanın əvəzinə meydana G.Karlsons çıxır
89 cu dəqiqədə hesab açılır. Levinin ötürməsindən sonra Hacıyev fərqlənir


"Rəvan" - "Turan" -2:1
QOLLAR: Nemanya Vidakoviç, 17; 45+1 - Cavid Tağıyev, 45
Hakimlər: Rövşən Əhmədov, İlham Əliyev, İsgəndər Əliyev, Tahir Əhmədov
Bakı. "Dalğa Arena" stadionu
İlk dövrədəki oyun – 1:0
"Rəvan": İvan Vasilyev, Miloş Zeçeviç, Taqim Novruzov, Tural Axundov, Nemanya Vidakoviç, Şerif Suma, Fərid Həşimzadə, Tural Cəlilov, Ramazan Abbasov, Samuel Barlay, Kristian Torres
"Turan": Anar Nəzirov, Aftandil Hacıyev, Ayxan Abbasov, Nadir Nəbiyev, Georgi Beraşvili, Aleksandr Qoqoreşvili, Cavad Mirzəyev, Rəşad Orucov, Seyidu Şarifi, Sarı Tağıyev, Rəşid Hüseynov.

"Simurq" - "Qəbələ" - 0:1
QOL: Viktor Mendi, 81
Hakimlər: Rəhim Həsənov, Ramiz Əsədov, Azər Əsgərov, Rasim Məmmədov
Zaqatala. Olimpiya İdman Kompleksinin stadionu
İlk dövrədəki oyun – 2:0
"Simurq": Dmitri Kramarenko, Rasim Ramaldanov, Vidaş Alunderis, Ruslan Poladov, Rüstəm Abbasov, Vasili Yanatovski, Tofiq Mikayılov, Qərib İbrahimov, Daniel Qenov, Emin Cəfərquliyev, Anatoli Doroş.
"Qəbələ": Pavael Doroşev, Mahir Şükürov, Lyubo Baranin, Bruno da Silva, Viktor Mendi, Yannik Kamanan. Aleksandr Çertoqanov, Steve Olfers, Tərzin Cahangirov, Daniel Kruz, Dodo

Matç tərəflərin ehtiyatlı oyunu ilə start götürdü. İlk dəqiqələrdən əsasən kəşfiyyat xarakterli hücumlara üstünlük verən komandalar xüsusən müdafiəyə diqqət yetiridilər. İlk 45 dəqiqədə demək olar ki, oyun meydançanın mərkəzində cərəyan etdi. Hissənin ilk təhlükəli vəziyyəti isə meydan sahiblərinin aktivinə yazıldı. 21-ci dəqiqədə Tofiq Mikayılovun qüvvətli zərbəsini Pavel Doroşev zərərsizləşdirdi.

"Qəbələ"nin ön xəttində Viktor Mendi və Dodo fəal olsalar da, rəqibin müdafiədə səhvsiz oyunu "Qəbələ"nin uğur qazanmasına imkan vermədi. Birinci yarının son təhlükəli epizodunu da "Simurq" yaratdı. Anatoli Doroşun zərbəsi çərçivədən kənar keçdi.

İkinci hissəyə "Qəbələ" daha aktiv başladı. 49-cu dəqiqədə Yannik Kamanandan gözəl ötürmə alan Viktor Mendi topu ram etsə də, çərçivəni dəqiq nişan ala bilmədi. Bir dəqiqə sonra Mahir Şükürovun sağ cinahdan ötürməsi təhlükəli alındı. Oyuna nəzarətə tamamilə yiyələnən "Qəbələ" 85-ci dəqiqədə hesabı açmağa müvəffəq oldu. Oyuna sonradan daxil olmuş Deon Bartondan ideal ötürmə alan Viktor Mendi topu ustalıqla çərçivəyə göndərdi - 1:0.

2 dəqiqə sonra Fatih Kavlakın yetirmələri hesab fərqini artıra bilərdilər. Müdafiəçilərdən topu "oğurlayan" Çertoqanov Deon Bartonu qapıçı ilə üzbəüz qoysa da, yamaykalının zərbəsi qapıdadan yan keçdi.

	komandalar	o	q	h	m	t	x
1	Neftçi	19	13	1	5	39-16	40
2	İnter	19	11	6	2	18-9	39
3	Xəzər L	19	11	6	2	28-17	38
4	Qarabağ	19	9	5	5	23-14	32
5	Bakı	19	8	5	6	23-19	29
6	Qəbələ	19	8	5	6	19-19	29
7	Rəvan	19	6	7	6	24-23	25
8	AZAL	19	6	5	8	26-29	23
9	Simurq	19	5	4	10	18-28	19
10	Kəpəz	19	4	4	11	21-35	16
11	Sumqayıt	19	4	3	12	13-25	15
12	Turan	19	3	2	14	11-28	11

Bombardir: Bahodir Nasimov (Neftçi) - 13

• “Lids”dən 40 milyon avroluq transfer – Bosniyalı futbolçu Premyer Liqada
• Qrinvud rəsmən "Fənərbaxça"da - İstanbul nəhəngindən böyük transfer
• “Fənərbaxça” Avstriya toplanışını qələbə ilə başa vurdu
• “Yunayted”dən yeni transfer - RƏSMİ
• "Yunayted"dən qapıçı transferi - RƏSMİ