Azərbaycan klublarını aciz qoyan qüvvə

16.02.2012 - 12:46

Premyer Liqanın XX turu ölkəmizdəki stadionların qış fəsli üçün münasib olmadığını göstərdi. Apasport.az saytının məlumatına görə, qarşılaşmaların 1/3-i keçirilməli olduğu arenada baş tutmayıb.

Matçları qəbul etməli olan 6 arenadan 2-nin yağan qarlardan sonra yararsız hala düşməsi stadion probleminin mövcudluğunu göstərir. “Sumqayıt” doğma arenada oynaya bilməyib, “Neftçi”ni “Şəfa”da qəbul edəcəyini xeyli əvvəl açıqlamışdı. “Kəpəz” isə “İnter”lə oyununa saatlar qalmış Gəncəni Yevlaxa dəyişməyə məcbur oldu. Bununla, 6 ev sahibi komandadan yalnız 4-ü doğma meydanda oynaya bilir.