Bəxtiyar Musayev yerini itirir

16.02.2012 - 14:12

Azərbaycan çempionatlarında ən çox qol vuran “Neftçi” klubunun bombardirlər siyahısında dəyişiklik olub. Apasport.az saytının məlumatına görə, Premyer Liqanın XX turunun “Sumqayıt”la səfər görüşündə dubl edən Bahodir Nasimov komandanın çempionat matçlarında ən çox qol vuran oyunçuları siyahısında mövqeyini yaxşılaşdırıb. 3:0 hesabı ilə nəticələnən görüşədək 26 qolla 10-cu pillədə olan özbəkistanlı hücumçu artıq 9-cu yerin şərikidir. Bahodir seleksiyaçı məşqçisi Bəxtiyar Musayevə çataraq, bu pillənin vahid sahibliyini əlindən alıb. İndi 28 qola malik hər 2 bombardir 9-cu yeri bölüşürlər. Sumqayıtlıların qapısına vurulan digər qolun müəllifi Flavinyo isə 19 qolla “Top-10”un yaxınlığındadır.

1	Samir Ələkbərov	99
2	Qurban Qurbanov	66
3	Yunis Hüseynov	58
4	Nazim Əliyev	42
5	Nadir Nəbiyev	37
6	Vadim Vasilyev	32
7	Branimir Subaşiç	31
8	Georgi Adamiya	29
9-10	Bahodir Nasimov	28
	Bəxtiyar Musayev	28