“Simurq”un rusiyalı baş məşqçisi Sergey Yuran Premyer Liqanın XX turunda “Qəbələ” ilə bugünkü ev oyununda (0:1) keçirilən mətbuat konfransına qatılmayıb. Apasport.az saytının məlumatına görə, onu köməkçisi İqor Yuşenko əvəzləyib. O, yaxşı, maraqlı oyun olduğunu bildirib: “Komandalar bərabər oyun göstərdi. Rəqiblə sonadək mübarizə apardıq. Buraxılan bir səhv qapımıza qolla nəticələndi”.

Qeyd edək ki, Premyer Liqamızın əsasnaməsinə görə baş məşqçi oyun sonrası mətbuat konfransına gəlməyəndə, ona cərimə kəsilir. Ancaq Yuranı belə aqibət gözləmir. Çünki o, ötən ilin son turunda “İnter”lə ev matçından sonra 1 oyunluq cəzalı olduğundan, “texniki zona”dan kənarda qalmalı olmuşdu. Adı “Qəbələ” ilə matçın protokolunda da yer almayan Yuranı əvəzləyən Yuşenko komanda meydana çıxarmışdı.

• “Lids”dən 40 milyon avroluq transfer – Bosniyalı futbolçu Premyer Liqada
• Qrinvud rəsmən "Fənərbaxça"da - İstanbul nəhəngindən böyük transfer
• “Fənərbaxça” Avstriya toplanışını qələbə ilə başa vurdu
• “Yunayted”dən yeni transfer - RƏSMİ
• "Yunayted"dən qapıçı transferi - RƏSMİ