AFFA nümayəndələri Türkiyə Futbol Federasiyasını (TFF) ziyarət ediblər. Apasport.az saytının məlumatına görə, assosiasiyamızın rəsmiləri bu ilin payızında ölkəmizdə keçirəcəkləri 17 yaşadək qızlar arasında dünya çempionatının final mərhələsi ilə bağlı məlumat mübadiləsi aparmaq üçün TFF-nin mənzil-qərargahına baş çəkiblər. Qurumun Fəaliyyətlər və Məlumat Əməliyyat Müdirliyi səlahiyyətlilərinin qatıldığı yığıncaqda Azərbaycanla Türkiyənin ayrı-ayrı təşkil edəcəyi dünya çempionatları üçün fikir mübadiləsi aparılıb.

Qeyd edək ki, Türkiyə 2013-cü ildə FİFA-nın keçirdiyi 20 yaşadək futbolçulardan ibarət yığma komandalar arasında dünya çempionatına ev sahibliyi edəcək.

• "Liverpul"un müdafiəçisi "Fənərbaxça"ya gəlir?
• Super Liqa klubunda yeni müqavilə - RƏSMİ
• Burkina-Faso millisinin üzvü "Bayer"də qalacaq - RƏSMİ
• İspaniyalı futbolçu vətəninə qayıda bilər
• “Fənərbaxça”dan gənc azarkeşlərə xüsusi jest